小暴

哈......睇佢主人個樣，
超搞笑．．．
難怪暴力小熊咁鐘意虐待佢主人，
哇....哈哈哈哈.....

入了電芯之後，
暴力熊仲會親自示範毆打佢主人，
好想睇....

鳴謝小活提供圖片，
"小暴"之名亦由她為暴力熊而起；

一問一答

問:鐘意je...係咪就做死一世記者?
答:如果你連做記者都覺得悶，咁你轉做其他工，會悶到你想死囉～

問：有時感覺都好hea吓...
答:其實...人總有高低潮......中途hea下.....好正常...我以前成日都hea啦~haha

問:我覺得澳門新聞界係一個排外兼包容性勁低的地方.
答:我覺得一般啦..行行都係咁架la..你的心胸夠廣.....好多野都可似化解...於無形

問:我覺得自己被同化咗，無哂當初的銳氣和戰鬥力.
答:原則是唔可以妥協...唔可以被同化lor....

問:好多壞風氣，一切冷眼在心中.
答:你同我唔同..你一心想做記者..又做到記者..我對你的忠告..就是不要輕易放棄..haha，你讀新聞出身..又鐘意新聞.就應該繼續行落去..

好啦好啦，
幾時都覺得你心水清，
:=)


近期某幾個經常出來反乜反乜的仁兄，
其中一個原來係我小學的數學先生，
起初做嘢時見過幾次，只是覺得佢熟口熟面，
之後先醒起佢係邊個；

佢上堂超嚴格，
要成班同學仔，四十分鐘都要將對手放係身後"背式"．．．四十分鐘！
而且一傾計講嘢就要罰，
數學唔識計又要罰．．．爆惡～
我都唔知解佢今日會搞到咁；



Twins最新個隻國語碟《桐話妍語》，
有兩首歌好好聽；
唔係第一二首講親情的歌，
但呢兩首有好多感動位和共鳴；
Gil-《你看得見嗎》
Sa-《妹妹》

爭氣

藝人慾照風波自農曆新年爆發至今都幾個月，
被指“玩得最癲”的張柏芝被傳媒和全港市民睇死一定會家變，離婚收場。

將來的事無人知，
不過人哋謝氏兩夫婦用行動證明俾人睇：無事！無家變！仲一齊去旅行玩！

呢啲咪叫爭氣囉;

雖然自己都係做記者，
不過有啲人成日都挾持“新聞自由”和“公眾知情權”，挖人私隱，仲要人哋交待！

人哋都係打份工je…
關你咩事先，
做乜要同你哋交待我自己的私事先！

草餅....面世喇！

呢隻嘢...
貓仔細細，
超級大食，
超級爛玩，
超級惡死，
超級眼訓，
仲超級...嗲人，
如果佢係人，我死俾你哋睇！

三隻貓仔都好叻！
雖然起初相識的數天，
兩隻大貓都有點抗拒，
不過呢兩日已經可以玩埋一齊；
草餅而家仲成嗲埋洛媽媽到～

我都未見過一隻貓仔咁鬼爛玩，
唔排除佢患有過度活躍症囉；
="=

新貓仔

家姐在家附近的麵包店收養了一隻只有兩個月大的小貓，
叫草餅（當然跟我哋姓何啦！）
字:草B，號：亞餅．．．
澳門風順堂區人士；

雖然家中本來的兩隻大老闆似乎不太歡迎，
一隻總時全程從旁監視草B的一舉一動，
另一隻更拒絕理會新成員，
終日藏身睡房同露台，
睇唔到當唔存在；

草餅年紀小小，得兩個月，
身型細細，得手掌咁大隻；
但超爛玩，超大膽！

似乎對別人的不友善視而不見，
在家終日崩崩跑（都跑得幾快吓！）
又在兩隻貓仔面前"泣泣揚揚"
非常囂張；

希望三隻小貓盡快度過磨合期，
變得相親相愛啦！

屋企電腦已經整好，
但不知何故又上唔到網，
煩得很！
都話屋企風水唔好，
草餅的照片之後再補吧！


唔知點解明明係做一件開心事，
但突然會浮出罪惡感;

工作．職業

昨日在街上偶遇一位中學同學，
不發一言，卻依然深深感受到他十足的疲憊，
千言萬語只吐出一句「公司好多嘢做」，
絕對明白，
簡單一句是遠遠不足以表達他在工作上遇到的困難和辛苦。

隔行如隔山，
朋友和同學分散於各行各業，
基於工作的需要，
或多或少都對每個行業的工作有基本概念。
但無論如何詳盡地解釋工作上的情況，
如何申訴工作遇到的困難和壓力，
旁人亦只能理解，卻不一定能體會箇中感受。

正如我都無法向其他人解釋，
點解香港公司可以單單為了一張新聞圖片，
就可以炒咗個攝影記者。

職場
被大部分人視為維持生計的地方，
對某啲人來說，是一個挑戰和表現自我的戰場，
對於我來說，
目前做記者這份工作，可以搵到滿足感，
（雖然做得唔係好，哈！）

總之，
工作無非都係求財，或者求開心，
如果兩樣都搵唔到，咁不如轉工。
呢個世界不嬲都係人搵工的權利大於工搵人，
（至少目前都仲係），
在我的立場來講，
工作唔一定要做得出人頭地，
但至少要做得開心囉！

終於買了被行家謔稱「noise王」的LX2，
試相機一貼......
noise又真係幾重，但越睇越鐘意，
俾佢哋話我講極都唔聽...
:p

Time to leave

前加後減下，擠身新聞界前線快接近三年時間，
早前與一位行家兼師妹講開才回憶起，
我今時今日之所以做了記者，
是因為一位大學導師，
沒有他，可能今天我會在安安份份做個朝九晚五的上班族吧。

當年大三校內實習時，
我記得是選擇了做TV Production的，
後來那位講師建議我做TV組記者，
反正都係一份功課，無可無不可就做了記者，
之後順利成章就到報館做校外實習－做兼職－入行。

有好多事，差一線，結果就會完全唔同。

輾轉三年，
近日先後有兩位與我同期入行的記者將離開新聞界，
不免有點難過和失落的感覺，
但也明白是一種職場常態。

兩位都是我的好好朋友，
對她們的工作情況也略有所聞的，
對於她們的離開．．．其實話係被公司的惡劣待遇和制度逼走也不為過。
她們對工作都很認真，絕對唔係以hea的態度做新聞，
可算是出外工作時的最佳戰友，
祝願你哋轉職後會有更好的工作環境啦！
^_________^




今日以一個很特別的方式收到一份心儀已久的物件，
如果用你的聰明才智做壞事，
我估殺傷力一定很驚人。

又又又又又又又又又又又又又壞電腦喇!!!

屋企又壞電腦喇，
妖……..
唔知係咪間房風水唔好，
剋正部電腦，
我屋企啲Notebook總是壞得很頻密，
平均兩個月壞一次，
今次最離奇，
差唔到電引致強行關機，
想點先…

對於我呢啲沉迷網絡的青年來說，
無得上網係一種折磨，
壞電腦期係一種忍耐，
不過唔知仲要忍幾耐。

童年回憶一則

今日突然在腦海中閃出一段回憶，
其實我已經無乜印象，
但我的潛意識記得。

當年三歲入幼稚園的時候，
唔知因乜事幹，
我極度唔願意返學，
一入課室就開始喊，
仲係要放聲大哭個種…直至放學。

煩人的程度，
俾著我會直頭將個細路沖落廁所。

當時有個堂哥或表哥之類的人同我同班，
只要同佢坐埋一齊就唔會再喊，
之後個班主任就迫住安排我同個堂哥/表哥一齊坐。

如果再唔收聲就趕我出班房，
由得我喊。

有一次好似係學校組織去旅行（其實都係去附近的公園仔），
之後好似因為落雨就無去到，
全級幼稚園的小朋友被安排留係操場，當去咗旅行，
（班番薯都無乜所謂啦，只不過美其名高高興興食一餐啫~）

重點係當大家都圍住一圈圈食零食之際，
唔知點解我無買到零食，
而且成個書包都好似放滿返學用的書，
（但我估應該係屋企人唔知，可能我上堂掛住喊，聽唔到老師話要去旅行，結果就無同屋企人講）。

當時只有三歲又鐘意喊的何小花，
竟然無喊、無痴住我堂哥/表哥，
仲懶有骨氣咁唔肯埋堆（可能實在係太無面喇，哈哈！）
記憶中個畫面就係我揹住個書包係操場到踱來踱去。

當年得三歲，我唔知我係個操場個一刻諗緊乜嘢，
但今日湧出記憶之際，
突然覺得好心酸。

家長真係要留意下子女在學校的情況和安排，
否則個女返學去旅行，無買零食真係好慘~
仲會留下一個唔係幾好的童年回憶。

In focus on the days

尋晚同兩個Baby上星際飲嘢，
個場嘈到啊...幾好坐都假。
三人要嗌住傾計，同隊live band鬥大聲，
今朝起身已經Feel到喉嚨有唔妥，
相信兩位Baby的情況可能更嚴重。
勁掛住TST北京道一號的Auqa~~

















流感高峰期，
屋企已有兩人中招，
前兩日先懶醒周圍同人講，好耐都無病過，
結果今日係咁打乞嚏，喉嚨又唔思舒，
唔知係咪領咗嘢，
都話做人唔好太招搖。

今日特登早起，打算八卦見下同事的嫂夫人，
點之有人甩底，
算…有人應該要請食飯補數啦～

之後應華女的推薦，
去咗河東圖書館睇雜誌，
事時、潮流、娛樂、科技、育兒、文學…
啲雜誌齊到…你嗡得出嘅都應該有得睇，
勁Hea三粒幾鐘。
河東新翼真係幾靚，
明顯睇得出室內設計有心思。


窗外花園景一













窗外花園景二



















聽聞啲貓仔好冷漠，
自從上星期諮詢過佢哋意見，
問吓養多隻貓仔好唔好之後，
就即晚同Chris分房訓，
出門口時同佢講聲又唔睬人。

我今日上到去，
竟然唔俾抱，
車…唔鐘意咪唔養，
有咩唔滿意咪三口六面講清楚囉，
使唔使咁串………超………

















話完佢兩句之後，
又主動行埋嚟嗲返，
仲要係超嗲，
啲老闆真難服侍；














有啲嘢我無需要向外人解釋，
關你咩事，我鐘意呀！
使乜你去judge我的行為，
何況係啲外人一廂情願的無聊諗法，
無聊！

樹樹樹樹.......

國父紀念館入面七十幾歲的老樹被砍掉了，
樹本身被白蟻侵蝕多年，已病入膏肓，
早前再因為天氣嚴寒，最終抵受不住，
死了。

之後為免有日塌下來而被砍掉了，
七十多年喇，好可惜。

今日行近啲諗住睇吓棵樹的殘骸，
結果俾某電視台的攝影行家話我係人哋傷口上灑鹽，
係絕對無啲咁嘅事！






















蘭姨，
謝謝你有來這裡，
都係啦～
呢度算係自己地方，
想講咩就講咩。

其實我係一個成日都想拍枱的人，
係出面要注意一言一行啫，
係呢度唔使嘛。

嬲！！！

今日做寵物愛心大遊行，
有好多狗仔貓仔一齊行，
本應新鮮又好玩，畢竟係第一次嘛，
絕對有寄工作於娛樂的感覺。

不過過程中發生一件小插曲，
搞到本小姐嬲到死。

話說在遊行期間，
邊走邊影邊看之際，
突然發現兩名大學女同學參與其中，
其中一人手上拖住她的寵物狗。

這兩人，在大學同班時一直無乜交情，無乜兩句，
但又未至於交惡的地步。

今日…我同其中一人四目交投，
基於禮貌和習慣，
我隨即向她報以一個100%誠意＋善意的點頭和微笑，
點之…對方竟然拎開塊面，扮睇我唔到！！！！

相識四年多，
已經唔係第一次係咁，
一下子，十級無明火起，
我當下幾想即刻衝埋去，
粗暴咁扯住佢件衫領喝佢：「你有無家教0架你!??!??!」

最後緊係無啦…
算...禍不及人哋父母...忍住…忍住...
不過條氣頂住到而家，超嬲！！
咁無禮貌都有！！
0胡~~0胡~~~~0胡~~~~

頂…XY你個Z吖…$*#&#*@*…(下省一百字…係！係一百個粗口字…！)
嬲…
十個嬲…

點解啲人可以咁敗家

我今年的生日禮物，
THX Chirs～
^_^





我的香水櫃...
唔知點解...啲女人錢係咁易賺，
做生意，點都係賣女仔野就會勁好搵～

Silent Hill

為了《Room of Angel》呢首歌，
引發起我對《Silent Hill》的了解，
結果明白了一些日本製造的指令Game，
點解可以令到打機的人（尤其係男仔）咁沉迷。

故事內容不多說，
之前亦都拍了電影版，不過我未睇，
有興趣不妨在link去呢度睇清楚的解說：
Silent Hill Part 1－簡說
Silent Hill Part 2－解謎

睇完《Silent Hill》的故事之後，
禁不住對這些指令遊戲大力稱讚一下，
因為從未玩過，不太懂得如何去形容，
只能說這些指令遊戲，絕對不是劣作，
百分百承傳了日本製造的認真和精緻。

Silent Hill故事內容的安排和細節，
既細密又合乎常理，
畫面亦繪得十分精彩，
設計遊戲的人真係好叻，
不管是對故事人物的人性扭曲，
抑或係故事中妖怪的人體扭曲，
都令人心寒，想像力驚人！

或者玩遊戲的人在過程中，
就是迷上豐富的想像力和精緻的動作場面繒畫吧！
追逐到最後，尋找故事的結果。

講到底，
所有令人害怕和心寒驚慄的事情，
都是源於人類的想像和創作，
人類才是真正令人心寒的源頭。

好友要結婚了

年紀只小我一天的亞瑩要結婚喇！
衷心的恭喜您！
接下來的日子，
一定要忙著做一大堆的準備工作，
但過程就算忙，就算繁瑣，
都是很甜蜜的一種經歷吧？

您自中學以來，一直都是令人擔心的一個，
而家找到好歸宿，
令人放心之餘，
都要老套地叮囑您要好好珍惜身邊的人；

老實說，
您是一個很任性的人，
脾氣也很情緒化，
常常讓人覺得無所適從，
總是要讓身邊的人遷就；

不知道您看到後會不會生氣，
但人家對您好，並不是必然的，
所以，要好好珍惜別人對您的好，
要珍惜別人對您的忍讓和體諒，
好嗎？

做了人老婆，身份轉變後，
都要好好對待邊的人啊！
最重要令您未來老公覺得娶到您係佢福份，
好嗎？
^___^

聽到您的婚訊後，
近日總是不時浮起四人晚上在K場抱在一起的畫面；

既是兩難，至少應該揀一個開心的

您看我平時好似一副牙嘴利的樣子，
您說我的問題總是尖銳得讓您走投無路，
但講到要說安慰人的話，其實我都會變得啞口無言，
聽到您說其實不快樂，難過的感覺一直維持了好久。

每次與您聊天的時間總會過得好快，
一小時兩小時三小時四小時，
聊著聊著就很快很快地過去。

由凌晨聊到清晨，不得不去睡了，
卻突然神經地在一個從未試過醒來的清晨六時多時份醒來，
（除非未瞓的日子～哈哈～）
Earphone此時突然傳來兩句說話
－－－世界上很多事情都是兩難的。
－－－到底錯與對條線由邊個去劃呢?

今日腦子一整天都在想起您的事情。

世界上有無絕對黑與白，
我家姐說沒有，
我老闆都說沒有，
您也是與我斷言地說沒有，
既然有人說，不可以因為擔心別人犯法而不讓人去做合法的事，
那麼，您也不可以因為擔心會發生錯的事而不去做對的事，是嗎？

您今天的選擇其實沒有所謂的好和不好，
但既然這個選擇沒有人因而覺得開心，
至於連選擇的您都覺得不開心，
咁我真係諗唔到原因／諗唔到有邊個可以認同您選擇這個選擇。

我明白您的顧慮， 卻難認同，
將來的事無人知，
正如我成日都覺得我唔知會唔會聽日就死，
點解仲要諗到一啲睇唔到咁遠的將來？
然後逼自己做一個唔知啱唔啱但一定唔開心的選擇，
我不明白。

您說你的固執拍得住我的硬頸，
事實證明一直以來大家也無法說服大家，
但講埋最後一次喇，
距離十二月七日不是還有很遠的時間，
能選擇的時間一日比一日短，
希望你在僅存仲有得選擇的時間下，
選擇一個自己會開心的選擇，
唔好無得揀先後悔，
好多事未試過唔會知最後結果，
試過，至少會心息。

作為朋友，
祇希望你開心，
真的。

第一位誰屬

今日閒聊期間，
討論起"第一位"的問題；

我有一位朋友，
她將戀愛／男友／甚至相信日後的婚姻都放在人生的首位，
以一生的時間和最大的精力，
去經營她的生活中的感情部份，
投入程度令我大開眼界，
真的！原來有人可以將感情放在第一位的第一位(總之是很重要的位置啦！)，
不論何時，不論對方是甚麼人，以及誰；

無法以好或不好／應不應該去看待，
因為每個人心目中都有第一位，
只是工作／家人／朋友／戀人伴侶／甚至自我的次序上安排；

儘管我覺得在其他事情上責任的地位稍為更重要一點，
感情未必可以放在第一位，
但不代表我漠視對方的重要性，
雖然我明白無乜幾個人會體諒這種念頭；

好味到癲~!!

早前在網上無意間發現網友介紹的一間餐廳，
招牌菜是我的最愛－－－雞翼！！
早兩日放假終於有機會一試，
位於尖沙嘴加連威老道，
路痴如我都能夠輕易循地鐵出口和路牌搵到餐廳所在地，
證明地點十分易搵～

價錢偏貴，但物超所值!
餐廳應該有好耐歷史，
但尚算乾淨，氣氛亦十分好～
本人推介必試之作；

值得一提的是，餐廳有報紙供應，
但不是大眾口味的東方和蘋果，
而是明報和星島，
可見餐廳主力迎合斯文顧客；

由於網友力斥餐廳的中年亞叔侍應態度奇差，
去的時候心裡早已打定底，
但其實未有出現網友所講的情況，　
我睇完報紙，都有人主動幫我擺返出面個書架到；

係我坐低的頭十分鐘期間，
一名典型港女不斷以嚴重打擾到起碼兩至三枱人的聲浪與友人談話，
十分鐘內從未間斷．．．煩到啊．．．（係喇係喇．．．知你買咗個萬四蚊嘅名牌手袋喇！）

我要求調枱，
一眾亞叔侍應都未有表現不耐煩，
十分好～！























好味到癲的瑞士雞翼，招牌菜～



















即磨咖啡，超超超香濃，平時茶餐廳飲開個啲．．．唔該行埋一邊；



















超軟的餐包＋香滑牛油＋足料的牛尾湯．．．超飽的set~



















餐廳環境，我聽到有人係度預訂情人節晚餐～帶女朋友來食飯，一啲都唔失禮；


＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
同場加演，超嗲人的小貓，
不過雙目被人類弄到殘廢，
不能視物；
























年青並非做錯事的理由和原因，
而是別人願意給予你們重新改過的體諒，
就算你們從今改過，
以後不再重犯相同的過失，
但你們曾經糾黨殘殺過一條無辜的小生命，
亦將會是伴隨你們一生一世的事實，
是你們人性中永不能被抹去的陰暗一面；

只有十多歲的你們，
僅願今後好自為之；

MGM visit

MgM真係幾靚，
眾多賭場，暫時最靚係呢一間，
建議有親朋好友來澳拜年，
不妨帶佢哋去行吓；

食哂人哋啲麻糬

今日去中聯辦做捐款，
為了守候新聞賭王的出現，
在會議室內等候了兩粒幾鐘；

當大家都等到極無聊又肚餓之際，
開始向招待嘉賓的糖果盆下手，
結果食嗮人哋啲麻糬．．．
HeHe...(害羞狀．．．)



















話我諗嘢越來越陰謀論都好，
越來越覺得啲人做每樣事情的目的並不單一純粹，
當揣測當中的實際原意後，卻禁不住輕蔑起來；
．
．
．
．
．
．
．
天氣嚴寒．．小貓們都冷得縮起一團

一針見血

～此特別致一位有心人～

缺乏傳媒的監察，澳門竟可腐敗如斯！

明報 張文光2008-02-01
澳門天亮了，沒有黑暗了？

澳門世紀貪官歐文龍，被重判入獄27 年是罪有應得，但涉及8 億元的貪污大案，怎會是歐文龍的獨腳戲？儘管歐文龍權傾朝野，權力覆蓋土地交通、基建運輸和房屋環保，貪污過程總不能隻手遮天，欺上瞞下，將特首和高官變成阿斗，若不是香港廉署意外揭發，更可能貪到光榮退休，成為澳門賭城最大的贏家。

歐文龍案判決後，任何有普通常識的人，心裏難免有個疑問：這是一人貪污還是集團貪污？何厚鏵是否完全蒙在鼓裏？審訊期間，有兩項極重要的供辭，涉及何厚鏵的角色和職權。歐文龍自辯時指出，其職能只可批出造價600 萬的公開競投工程，倘若超出此限，只能表示同意，等待上級批准。眾所周知，他的上級只有何厚鏵。前土地工務運輸局副局長陳漢傑作供時說：青洲港務局工程是由特首批示的。但當法庭進一步追問時，歐文龍沉默了，陳漢傑也模糊了，供辭變成懸案，市民心裏有數。何厚鏵曾帶不忿回應說：一些別有用心的人士，利用歐文龍事件，全盤否定政府審批土地及公共工程的制度，企圖抹黑特區政府，打擊政府管治威信，嚴重分化澳門社會。

當人們期待何厚鏵就法庭的供辭，澄清社會的質疑和揣測時，何厚鏵卻說：由於案件正在審理，為了捍衛司法獨立，我不能作任何回應，但我願意承擔案件所帶來的傷害。何厚鏵給人的印象是：寧可忍辱負重，也要司法獨立。會不會繼續打虎？如今，司法已作出最後的裁決，歐文龍將在監獄度過餘生，何厚鏵總不能永遠沉默。

當法官宣判後，3 名澳門廉署的職員，在庭上擊掌相慶，這確實是一場艱難的檢控，寫下了澳門的歷史，但檢控和反貪是否到歐文龍止步？貪污背後有沒有更多官員涉案？澳門廉署打完蒼蠅，會不會繼續打虎？根據澳門的《基本法》，澳門廉署的職權是有限的，它要向行政長官負責，難以就法庭的兩項證供，向何厚鏵調查至水落石出，只有代表民意的立法會，才可以根據《基本法》第71 條，經三分一議員聯合動議，行使獨立調查的權力，尋找證供的真相，還何厚鏵的清白。若調查委員會認為有足夠證據，經三分二議員通過，更可提出彈劾案，報請中央人民政府決定。儘管澳門獨立議員屈指可數，但也不能放棄聯合動議的職權，更不能讓法庭的證供無疾而終，讓澳門人對打擊貪污更加悲觀失望。

澳門直選議員關翠杏說：回歸前，澳葡政府貪污盛行，枱底交易的咖啡文化成風，我們盼望早點回歸。回歸後，我們覺得是澳人治澳，天亮了，沒有黑暗了。但歐文龍案讓人驚覺，缺乏傳媒的監察，失去制衡的權力，澳門竟可腐敗如斯，老虎蒼蠅沆瀣一氣。

-------------------------------------------------------------
人人都明，人人都識講的道理和事實。
其實澳門市民都好聰明，眼睛是雪亮的，
不過澳門是一個極端奇怪的地方，
澳門人鐘意玩心照，習慣秘而不宣；

正如吳國昌講話，有啲嘢講到牙血都流埋，要聽的人都總是要選擇性失憶；澳門所謂的心照和人治社會，荒謬得令人失笑；