Halloween@Ocean park

上星期去了海洋公園Halloween，
演員的化妝化得好逼真~
好玩，不過好熱，星期六又勁多人，
上年都有去，但今年一行十人，熱鬧好多；

其中有一間鬼屋好搞笑，
鬼屋入面會有演員突然跳出來嚇人，
我不斷尖叫，仲要好高音～
（咁佢嚇人無非都係想有人驚有人叫je…係咪先~）

有一隻鬼有點受不了，
用返「人」的語氣，很無奈地說：「我都未嚇你，使唔使叫咁大聲?!」

哈哈哈哈~~
好好笑~

麻糬貓

繼上次的新貓仔叫草餅，
呢隻新新貓仔叫麻糬．．．好搞笑～
是一隻有點笨，還長了很多毛毛的貓，
不過呢隻唔再係chris屋企養，
去了阿man屋企;

果然，貓仔同女人一樣咁小器，
容不下陌生的同類突然出現在自己的地盆，
麻糬暫住Chris屋企的期間，
三隻貓仔不但對佢表現出極不友善
（包括全日躲在房間，拒絕接觸在廳的麻糬，並且將所有在廳的玩具搬進房間，就算唔玩都唔益你．．．幾小器～）
仲嬲哂全屋人...唉~

可能曾經擦身而過的職業

早兩日突然想起一件事情：
話說當年如非堅持只報考澳大新聞系入學試，
我想第二選擇應該會係鏡湖護理學院。

按照那個時候的學習風氣，
我相信我一定會讀到畢業。

按照我一般會隨遇選擇的性子，
今天我好大可能會做了一名小護士。

何小花做護士．．．
都幾驚。

但我肯定做護士的何小花，
品性會比做記者馴良好多囉。


另外，我老豆第二日去鏡湖照片時，
醫院竟然又話甚麼藥物敏感，
要另外排期覆診（強調一下，仲係停留係咩症都未驗證到的階段，唔得你死！）

結果，
我老豆同阿媽好醒咁去返之前一日內已驗出患腎石的內地醫院，
並且即日做了一粒激光碎石。

人哋內地醫院兩日大致已幫病人進行治療，
你睇鏡湖成個星期到底做過啲乜嘢？
當刻真係有一種“你仲留係度獻世？”的無奈。








.

老爸患腎石嗎？

我老爸最近向公司請了假，並經常進出醫院。
他估自己應該是患了腎石，
（本人強調一下，我老爸是不喝牛奶的，所以與三聚氰胺是毫無關係）
因為他幾年前患過一次，
而且上星期到內地醫院驗過也證實是。

不過，
由於家裡有人對澳門的醫院比較有信心（竟然！！）
而且出入屋企也比較方便，
所以老爸就到鏡湖再看症一次。

老實說，
做記者都好一段時間，
對兩間醫院的醫療素質和服務素質有幾好，心中有數。

相對澳門兩間醫院，本人有時對內地醫院更有信心，
先不說其他，
單係驗到底是甚麼病，前後至今五天了，鏡湖竟然都仲未驗到，
還要急診門診輪住去，又要驗血又要驗血壓，
直到今天要喝螢光劑，聽日去照X-ray，
聽說老爸身體還有點排斥甚麼的，
真的不知要搞幾耐，先驗到佢咩病，
據說目前有兩個可能性：一是腎結石，一是腎積水。

而大陸醫院一日有驗到了，
不知應該說澳門醫院十分謹慎，
仰或是內地的醫療水準更高一籌，
難怪在本澳醫院候診區內不時傳來火爆的一句：「有急病實死咗九世」云云…

據說，
我老爸前兩日去急診睇病時，
個當值醫生仲夠膽死鬧我老爸，
說甚麼有重病都沒有專科醫生即時可幫他看症，
應該等到明日再看門診…
(我頂你個肺，你估我好恨去睇急診咩，又等得耐，無事無幹都唔會去醫院啦，貪好玩咩！算個醫生好彩，我唔在場，否則一定鬧爆佢，然後寫信去投訴，再日日打去公關部問跟進情況)


對了，
其實是想說今天老爸除了要喝螢光劑之外，
還要在今晚至明天照X-ray的十二小時內，不能進食。

今天晚上，
老媽已經盡量煮清淡的粥，
讓老豆吃得清淡一點，更重要是預防老豆對其他食物的垂涎，
我媽還蒸了竽頭糕，老爸晚餐時已顯露出一很想吃的樣子，
（對了，我相信我的貪吃，有八成都是遺傳自老爸，兩外兩成就是來自我媽．．．）

只吃了一碗粥，十二小時內不准進食，
肚子一定好餓了，
我剛跑完步回家後，
老媽靜靜告訴我，她悄悄地把家裡的即食東西藏起來，
慎防老爸半夜餓肚子起來會偷吃。

我覺得我媽很有先見，
換著是我，太餓了又睡不著的話，
說不定也會冒著被醫生鬧或者延後照片的可能，
都會悄悄起來偷吃， 如果太怕俾人鬧，
說不能吃了後更會死口否認。

這種無賴行為，
我老爸真的會做，
而我可能也會，
是不是很頑劣？





．

可否不要太馬虎?

一條新聞稿，內容寫成點都好，
都唔排除有懶惰的讀者，只會睇新聞標題或者圖片說明，
所以寫標題和圖片說明的人，
責任其實相當重大。

與此同時，
新聞身負傳遞資訊的重要角色，
出錯或誤傳是絕對不被允許的，
當然───這是指一般情況下，
很慚愧地說，澳門的媒體，出錯誤報是常常會發生的事，
記者本身要負絕大責任之餘，
在新聞報道出街之前的把關人或經手人，
不無責任。

一句圖片Caption，簡單不費力地，已經將我全稿的原意180度扭曲，
枉我仲刻意突出希望傳遞到這個信息，
而家卻變成有點好心做壞事的感覺。

所以，
不能怪我對此感到不滿，
（是！我真係好唔開心到要用“不滿”呢兩個字形容！）


唔知有幾多人會睇，
唔知有幾多人會留意，
但唔代表可以唔上心，
唔代表可以出錯。


請專重自己的工作，
希望能對你的工作認真一點。









.

今次我做澳門女

「個個女仔個袋好新啊，乜澳門啲人咁有錢買袋？」甲女問，
「緊係啦，澳門啲女仔，大把賭場老闆包…」乙女答。

放工時從巴士上聽到兩名港女的對答。

好在唔係講得好大聲，
唔係我敢擔保會俾全車澳門人圍攻到你哋落車為止。

港女，被人標籤為貪慕虛榮、串、揹Gucci/LV手袋的香港女人。
估唔到而家「澳女」竟然被人標籤為靠賭場老闆食飯的貪錢女。

由細到大，
似乎不斷面對身份認同的問題：
唔確認係香港人定澳門人，
唔知係葡文記者定中文記者，
唔知係女朋友定女性朋友，
唔知係現代人定東方人。

做澳門人俾同事話我香港人貪澳門特區政府的五千蚊，
以前舊公司做個陣，唔識葡文融入唔到葡文記者的圈子，同時又俾班中文記者排擠，
俾現代卡片做訪問，第二日會俾人打電話質問做乜上咗港聞。

不過我今次選擇用澳門人的身份同呢兩位港女講：
「你兩位，映衰哂啲港女，除了貪慕虛榮、串、鐘意揹Gucci/LV手袋之外，仲幫港女加多一宗罪－無知和膚淺，代表港女全體多謝你哋先！」

.

Sushi Mi Tei@saturday

炸蝦卷

炸蝦天婦羅

合格但唔好味的三文魚蟹子壽司

唔記得咩壽司...甜到爆...可以black list~

雞雞雞雞....

外型嘔心但口感得意的魷魚筒

不過不失的刺身

切到咁厚...有點無從入口

好明顯係今餐的主菜...最貴同最好味

呢隻腳證明，呢隻蟹是男的

被人KO完仲識得怒睥我的蟹殼

其貌不揚但好味的椰子雪糕，仲用半邊椰殼裝住ga~





以前---有在聽沒有懂，
多謝你教識我，
真正的聰明，原來是要扮蠢；











.

我好恨寫的touching故仔

起初看的時候以為是賣 McDonald 廣告, 不過看下去又幾教人深省


同舟共渡，一起面對人生的苦樂憂喜


















看到麥當勞一個廣告，客人倒瀉汽水，智障員工文叔抹乾淨，
再斟過一杯汽水奉上。記者的同事友人都說感人。感人在情節是真人真事，勞工處便因此頒了模範殘疾僱員獎 給他 。

文叔別 的 不 懂 ， 只 懂 「 用 心 招 呼 客 人 ， 幫到 人 ， 自 己 都 開 心 。 」
記 者 懷 疑 這 是 公 關 教 他 背 的 對 白 ， 直 到 這天 跟 他 到 長 洲 行 山 ， 有個 路 人掉 了 東 西 ， 文 叔 搶 著 拾 起 遞 還 給 對方 ， 我 突 然 覺 得 自 己很 醜 惡。

廣告中的文叔笑不攏嘴。（ 麥 當 勞 提 供 圖 片）

















服侍外國客人，但英語不靈光，「我只識講Hello，遞餐盤，Goodbye!」




















夏佳 理 頒發 模 範 殘 疾 僱 員 獎 給 文 叔 。 （ 圖 片由 文 叔 提 供）




























妻子 文 嫂也 是 輕 度 弱 智 ， 也 做 麥 當 勞 。
文 叔 的 右 腳 微 跛 ； 文 嫂 的 右 手 萎 縮 。
文 叔 兩 歲 時 發 高 燒 智 障 ； 文 嫂 小 他 兩 歲 ，一 出 世 便 有 問 題 。算 起 來 ， 他 們 大 概 在 同 時 壞 了 腦 袋 。

記者 本 想問 他 們 的 生 活 有 何 情 趣 ？
文 叔 在 長 洲 多 次 獨 個 兒 走 得 老 遠 ， 故 意 四處 張 望 ：「 我 隻啤 啤熊 呢 ？ 」
這 時 肥 胖 的 文 嫂 趨 前 握 著 他 的 手 ， 二 人 都笑 。
他 約 過 她 去 迪 士 尼 ？
她 答 ： 「 去 過 ！ 」 文 叔 補 充 ： 「 門 口 。 」
文 嫂 再 補 充 ： 「o個 陣 未 開 門 嘛 。 」 雙 劍 合璧 。
我 不 必 問 。



文叔：「 我隻 啤 啤 熊 呢 ？ 」



























文 叔 劃 了 一 個 世 界 與 文 嫂 居 住 ， 對 外 邊 的這 個 地 球 所 知 不
多， 他 問 記 者 ： 「 請 問 你 ， 《 壹 週 刊 》 同 《 東周 刊 》 係 咪 同 一
個老 闆 ，都 屬 於 《 東 方 日 報 》 ？ 」

十 二 年 來 在 尖 沙 咀 中 港 城 分 店 抹 地 抹 牆 ，經 理 叫 他 入 廚 房
幫手 ， 他不 敢 ， 「 落 包 （ 製 作 漢 堡 包 數 目 ）次 次 唔 同 ， 我
記憶 唔 好 ， 隻 手 又 慢 ，唔 想 連 累 同 事 俾 經 理鬧 。」

那 個 倒 瀉 汽 水 的 客 人 事 後 寫 信 多 謝 他 ，
文 叔 第 一 個 反 應 怕 得 要 死 ， 問 ： 「 有 信 ？係 咪 炒 我 ？ 」
廣 告 播 出 後 ， 很 多 客 人 問 ： 「 你 係 咪 電 視上 那 個 文 叔 ？ 」
「 係 呀 ！ 」 文 叔 答 。
搭 電 梯 上 樓 時 有 個 泰 傭 問 ： 「喱 傷 （ 你 上） 電 視 呀 ？ 」
「 係 呀 ！ 」
買 時 有 個 細 路 問 ：「 你 係 咪 電 視 上 面 個叔 叔 ？ 」
「 係 呀 ！ 」
街 上 警 察 截 住 他 ： 「 你 係 咪 拍 廣 告 那 個 人？ 」
「 係 呀 ！ 」
他 首 次 發 現 在 幫 人 以 外 ， 還 有 其 他 事 讓 他高 興 。


全 名 黃 文禹， 今 年農 曆六 月 十 九 日 觀 音 誕 ， 是 他 的 五 十 歲 生 日 。
觀 音 與 他 同 生 ， 是 好 兆 頭 ？
「 不 過 我 屋 企 信 天 主 教 ！ 」
這 個 諷 刺 ， 比 起 之 後 的 不幸 ， 算 不 上 什 麼。
兩 歲 發 高 燒 腦 膜 炎 ， 「 燒 壞 個 腦 。」 禍 延 右 腳 發 育 不 全 。
文 叔 對 落 的 弟 弟 出 世 後 夭 折 ， 「 我 以 經 好好 彩 ， 行 得 走 得 食 得 ， 仲 想 點？」

他 見 證 了 很 多 大 時 代 變 遷 ： 六 二 年 香 港 已有 特 殊 學 校 ，
但 主 要 為 小 兒 麻 痺 學 生 而 設 ， 到 七 十 年 代才 出 現 弱 能 兒 童 學 校 。
他 入 讀 正 常 學 校 ， 加 上 父 母 一 直 沒 告 訴 他智 商 比 別 的 小 孩 低 ， 讓 他 過 了 幾 年 的 無 憂 無 慮 。
那 個 年 代 學 校 仍 然 可 以 踢 走 低 分 學 生 ，
「 我 英 文 零 雞 蛋， 到 而 家 ， 廿 六 個 字 母 我只 識 ABCDEFG 五個 （ 其 實 是七個）， 數學麻 麻 ， 中 文 麻 麻 。 」
他 唸 完 一 年 班 便 遭 叮 走 ， 姊 姊 替 他 找 了 一間 天 台 學 校 ，
重 讀 小 一 。
若 果 他 在 今 天 上 學 ， 好 可 能 被 同 學 圍 毆 ，再 放 上 YouTube ，
「 同 學 冇 蝦 我 ， 畢 業 仲 有 聯 絡 。 」
但 老 師 沒 有 特 別 照 顧 他 ，
「 仲 有 其 他 學 生 嘛 ， 一 班 四 十 人 。 」
他 自 小 已 很 會 為 別 人 著 想 。

老 師 看 出了不 對 ，帶 他到 社 會 福 利 署 做 智 能 測 驗 ，
結 果 顯 示 他 的 智 商 低 過 三 年 班 學 生 。
當 時 他 唸 四 年 班 ， 分 別 不 大 ， 但 到 長 大 後仍 然 低 過 三 年 班 ， 便 有 些 問 題 。
「 唔 通 問 個 天 ： 『 阿 天 阿 天 ， 點 解 我 生 成咁 ？ 』 個 個 都 唔 想 嘛 ， 我 都 希 望 讀 到書， 同 正常 人一 樣 。 」

從 社 會 福利署 回 家的 路上 ， 媽 媽 跟 他 說 ： 「 你 要 俾 心 機 做 人 。 」
那 家 小 學 讓 他 升 班 ， 「 我 由 小 一 至 小 六 都考 第 尾 ， 夾 硬 升 咋 。 」
作 文 《 我 的 志 願 》 ， 「 我 的 志 願 是 身 體 健康 。 」
記 者 告 訴 他 ， 志 願 是 指 日 後 想 做 什 麼 工 作， 「 咪 讀 完 書 工 作 ！ 」
這 篇 作 文 獲 得 六 十 五 分 ， 「 犀 利 ！ 」 我 說。
「 唔 算 犀 利 ， 」 文 叔 說 ， 「 （ 老 師 的 評 分標 準 是 ） 最 高 一 百 分 ， 最 低 六 十 五分。 」
他 發 現 ， 自 己 的 作 文 永 遠 保 持 六 十 五 分 。




花 槍




















文 嫂 全 名陳爵 ， 未足 月出 世 ， 懷 疑 因 此 傷 腦 ， 醫 生 放 她 入 氧 氣 箱。
據 她 說 ， 由 於 醫 生 忘 了 替 她 轉 側 ， 長 期 壓著 右 手 ， 因 此 萎 縮 。
「 咁 多 Ｂ Ｂ ， 唔 得 閒 個 個 反 轉 。 」
她 似 文 叔 ， 也 會 維 護 別 人 。

她 知 道 丈夫「 發 高燒 」 ，
「 佢 的 問 題 ， 我 冇 ， 我 個 腦 冇 事 ， 智 力 冇事 ， 係 隻 手 。」
記 者 這 時 才 發 現 ， 原 來 她 不 知 道 自 己 輕 度弱 智 。
她 入 讀 九 龍 塘 天 保 民 學 校 ， 就 是 為 了 中 、輕 度 弱 智 兒 童 而 設 的 特 殊 學 校 ；
她 也 承 認 醫 生 寫 紙 證 實 她 輕 度 弱 智 ， 讓 她申 請 傷 殘 津 貼 ， 但 記 者 狠 不 下 心 腸 追 問，只 是 聽 她 說 不 懂 閱 讀 ， 現 在 才 戰 戰 兢 兢 寫出 來 。

婚 前 ， 全家只 有 文叔 閒賦 在 家 ， 一 向 煮 飯 給 家 人 吃 ， 習 慣 了 照 顧人 ；
文 嫂 說 不 清 楚 她 有 八 個 還 是 九 個 哥 哥 姊 姊， 總 之 她 是 孻 女 ， 慣 了 接 受 照 顧 ...... 一 個 願 打 ， 一個願 捱 。

在 觀 塘 展能服 務 中心 認識 。
文 叔 經 常 在 她 樓 下 呆 等 ， 動 輒 一 個 鐘 頭 。
她 有 心 試 他 ：「 我 點 知 佢 係 咪 鍾 意 我 架 ？玩 我 咁 點 ？ 同 我 拍 拖 ， 咪 尊 重 我 羅 ， 家 姐 阿 哥 教 我 ！」
文 叔 抱 怨 ： 「 人 人 行 過 ， 見 有 個 傻 佬 度等 ， 又 唔 走得！ 」
「 你 等 得 就 等 ， 唔 等 得 就 算 數 啦 ！ 」 文 嫂一 招 花 槍 耍 過 來 。

到 底 文 叔 站 崗 時 可 曾 拂 袖 而 去 ？
「 有 ！ 」 他 答 。
「 冇 ！ 」 她 答 。
文 叔 大 吼 ： 「 屙 尿 都 要 走 開 ？ 」
記 者 問 文 嫂 ， 這 個 多 情 漢 子 送 過 什 麼 給 她？
「 個 心 。 」
「 我 邊 有 俾 個 心 你 呀 ？ 」 文 叔 又 吼 。
「 去 台 灣 買 個 心 形 鏈 墜 呀 ！ 」

文 叔 攻 心為上 ， 經常 找未 來 外 母 飲 茶 ， 送 洋 酒 ；
拍 拖 時 知 道 文 嫂 口 渴 ， 不 用 她 出 聲 ， 買 汽水 侍 候 ；
拉 她 去 遊 樂 場 鬼 屋 ， 好 驚 ， 攬 攬 。
記 者 很 懷 疑 他 是 否 真 的 智 障 。
文 嫂 的 母 親 說 過 ： 「 阿 女 ， 我 照 顧 唔 到 你成 世 。 」
文 嫂 拍 過 拖 ， 對 方 男 仔 也 是 智 障 ， 他 的 母親 說 ：「 仔 ， 你 已 經 係 咁 ， 應 該 搵 個叻過 自 己的 女仔 照 顧 你 。 」
原 來 子 女 智 障 ， 父 母 一 樣 歧 視 別 人 。

文 叔 出 現，文 嫂 的家 人也 對 他 「 麻 麻 」 ， 還 是 結 了 婚。
「 最 緊 要 兩 個 人 開 開 心 心 ， 」 文 嫂 說 ， 「唔 好 斤 斤 計 較 ， 好 人 好 姐 都 會 嗌 交 ， 要 我受 氣。 」
這 天 到 長 洲 旅 行 ， 是 文 叔 的 主 意。
「 佢 負 責 決 定 去 邊 ， 」 文 嫂 說 ，「 我 負 責跟 佢 去 邊 。 」
記 者 很 羨 慕 他 們 愛 得 簡 單 ， 用 不 著 猜 疑 離合 粉 身 碎 骨 。



有 火





















文 叔 做 過胸圍 廠 ，「 負責 睇 機 ！ 」 將 胸 圍 帶 放 在 盤 上 ，按 掣 ， 機器 便 釘 上 釦 ， 日薪卅 五 元， 主管 歧 視 ， 罵 他 手 腳 慢 。
他 見 證 了 香 港 工 廠 北 遷 潮 ， 這 家 胸 圍 廠 便是 先 頭 部 隊 ， 他 失 業 了 。
文 嫂 介 紹 他 到 自 己 工 作 那 家 工 廠 ， 剪 線 頭， 包 裝 ， 替 同 事 遞 線 遞 鉸 剪 ，
日 薪 加 到六十 五 元， 以為 因 禍 得 福 。
這 家 工 廠 也 搬 上 大 陸 ， 這 次 夫 妻 一 起 失 業， 才 發 現 香 港 已 沒 剩 下 多 少 工 廠 。
文 嫂 說 ： 「 我 其 實 做 到 。 」
文 叔 ： 「 我 應 該 做 到 ， 我 好 有 耐 性 。 」
文 嫂 ： 「 有 耐 性 ， 又 忍 得 。 」 雙 劍 再 合 璧。



十 二 年 前行經 尖 沙咀 中港 城 ， 見 麥 當 勞 請 人 ， 文 叔 應 徵 ， 做 到 今日。
「 我 一 世 人 未 辭 過 職 。 」
文 嫂 則 在 尖 沙 咀 另 一 間 分 店 服 務 。

記 者 很 想知道 他 們如 何面 對 歧 視 ，
但 文 叔 好 像 覺 得 被 歧 視 是 自 己 的 錯 ， 總 是說 人 人 待 他 很 好 ，
最 多 替 客 人 捧 餐 盤 時 ， 對 方 喝 令 他 行 開 。
「 算 啦 ， 唔 通 鬧 佢 咩 。 」

如 何 忍 受別人 歧 視的 目光 ？
「 我 唔 知 佢 點 睇 ， 我 又 唔 係 佢 ， 佢 又 唔 係我 。 」
反 而 文 嫂 坦 白 ： 到 大 × × 快 餐 店 見 工 ， 主管 說 ： 「 唔 請 呢 的 人 ！ 」
走 在 街 上 ， 陌 生人留 言 ： 低 B 、 低 能 、 弱智。
「 我 咪 走 ， 當 佢 唱 歌 仔 。 」 文 嫂 話 雖 如此 ， 但 此 刻眼淚 流 下 。
文 叔 被 欺 負 沒 所 謂 ， 他 的 啤 啤 熊 被 人 罵 ，火 滾 ： 「 （ 如 果 ） 第 日 佢 生 個 仔女出 來 又係 咁， 我 話 佢 個 仔 女 低 B ， 佢 為 人 父 母 點 先 ？ 」
這 句 好 辣 ， 好 拮 肉 。 原 來 文 叔 絕 不 好 惹 。

文 叔 很 會替人 設 想， 當然 也 替 子 女 設 想 ， 所 以 干 脆 不 生 ，
「 生 出 來，唔 知 會唔 會同 我 一 樣 ， 天 知 地 知 ， 我 唔 知 。 」

他 自 知 智力及 不 上正 常人 ， 「 最 緊 要 身 體 健 康 ， 有 得 玩 就 玩 ， 有得食就食，有得 旅 行就 旅行 ， 今 日 唔 知 聽 日 事 ， 睇 化 晒 。 」



























(轉自互聯網，不過真係唔知邊本周刊)
=========================================
雖然唔知文叔文嬸係咪真係咁sweet，
至少個記者寫到係囉；

好厲害，
觀察力好強，
心思好細膩，
包裝到個故仔好好睇，
好touching；


入行以來，
都係做hard news多，
即係做澳聞同港聞，
無乜做過呢類型的soft news；

有時都幾恨做，
甚至諗過apply做雜誌，
不過據說做雜誌好快江郎才盡，
咁又係...個個星期係咁度故仔，
一定諗到頭都爆；


全文最欣賞記者呢個gap...睇完之後笑咗:
文 叔 劃 了 一 個 世 界 與 文 嫂 居 住 ， 對 外 邊 的這 個 地 球 所 知 不 多， 他 問 記 者 ： 「 請 問 你 ， 《 壹 週 刊 》 同 《 東周 刊 》 係 咪 同 一 個老 闆 ，都 屬 於 《 東 方 日 報 》 ？ 」







.

身份證張晶片都甩得...勁lo~

尋日勁黑仔，
話說放假嘛，諗住北上捐血消費。

點之部自動過關機彈返我張身份證出嚟，
我一望：發現身份證上張晶片得返個空格位（=.=’）
發生咩事…塊晶片竟然咁兒戲可以成塊甩出嚟，
我當場O哂嘴…身份證明局想點…
政府而家係咪好窮，整埋啲劣質身份證…

打開銀包搵咗好耐，都搵唔返塊晶片，
起初我以為張晶片留咗係部自動過關機入面，
諗緊好唔好同當值的警員反映之際，
都係信唔過他們的行政效率，
於是Chris幫我查問。

點知佢話我聽，
原來身份證明局，係有counter專門幫人搞晶片啲嘢，
仲要有兩個咁多，換言之，即係…啲晶片成日出問題…=.=
心都寒埋…

出關大計無望，
唯有折返身份證明局搞返張晶片，
兩個晶片Counter前，已經排了十幾人，
一打開銀包，「啪」一聲塊晶片自動出現係地下…
(鬼遮眼…=.=)

對比我的無奈，
身份證明局的職員一派見慣不怪的樣子，
提我三星期後取回新證，
所以我而家暫時用住「行街紙」先，
照樣可以出境。

仲要俾個朋友串，讚我叻，話佢聽都未聽過呢件事，
（而家咪示範你睇囉…）
係身份證明局見到咁多人一齊排隊，
心理先平衡返少少。






.

採訪背後

越來越覺得，
傳媒和受訪單位之間的關係好微妙。

大家互惠互利的關係自不在話下，
大多數時候，對方邀請傳媒採訪，只希望我們做採訪事項的內容，
但我們大多數都是借助這些公開場合「開嘢」──開採訪項目以外的題目，才是主要目的。

話說前日早上採訪一單論壇開幕時，
大家一致目標打算向司長扑咪，
等到做完所有儀式後，
大伙兒就一齊向前衝向目標人物。

突然某局的兩名職員，
一字攤開手阻止說：「司長唔接受訪問！」
正在想：司長是否接受傳媒訪問，幾時輪到你決定？
行家歌莉亞卻代大伙兒表達了心聲：「司長接唔接受訪問係佢自己決定！」

在場行家無再理會她們繼續衝向司長，
結果當事人都講了幾十秒，總算交到功課。

兩個問題：
第一：司長辦公室、新聞官在場都無阻撓記者採訪，幾時輪到下下層的局級職員出聲？
第二：就算真係負責阻撓傳媒採訪，事前都唔該問吓當事人先，而家搞到自己枉作小人。


所以說傳媒和舉辦活動單位之間的微妙關係：
我相信好多人表面對傳媒都表現友善，唔該前唔該後，但背後一定經常閙記者無規舉、野蠻和不講理。
在於我們來說，會經常批評主辦單位阻撓記者採訪，或者不滿對方安排白痴。傳媒有絕對的採訪自主權，採訪咩內容、如何採訪是我們自己決定，而唔係由對方安排。

老套一句：各為其主而已。


或者其他人覺得記者好似惡哂，
但正如上述的case，
遭受阻撓採訪其他內容，
是經常性會發生的事。

如果對方是高官或者重要人物，
就更慘，
因為要先同身邊的保鑣死過，
經過重重阻撓，突圍而出才成功扑到咪，
（個人覺得，澳門的保鑣和G4，其實大部分工作都是負責防記者的．．．哈哈！）



不論讀者是否關心，或者是否重要，
有些新聞，真是由我們「無規無舉」爭返來的。







．