又想點?

第一次聽到有人用"聰明"形容我
我充其量只是有點小聰明
反應比別人快一點
但其實我很粗心大意
又大頭蝦
頂多只是心地好
無害人之心
連防人之心都未準備



無諗過職業竟成挑起征服慾的誘因

點解次次都面臨都似乎是自掘墳墓的選擇

前置X'MAS

一年一度聖誕，反而今日到山頂做嘢時才占染到少少聖誕氣氛，
市面見到的一切，除了氹你買嘢的之外，其餘都係做俾澳門的米飯班主睇，好假！








這個聖誕老"婆"係一位葡藉的女孩子扮的，今日企佢係旁邊，睇住佢向病房裡的小朋友，給予一個溫暖又乾淨的擁抱，看得我好羨慕；




多謝Jojo台灣的手信，我好鐘意～我會好好珍藏；


















至於這個，相信也是可一不可再，我都會好好保存；

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
祟拜－梁靜茹

你的姿態你的青睞　我存在在你的存在
你以為愛就是被愛　你揮霍了我的崇拜

我活了　我愛了　我都不管了　心愛到瘋了恨到算了就好了
可能的　可以的　真的可惜了　幸福好不容易怎麼你卻不敢了呢

我還以為我們能　不同於別人
我還以為不可能的　不會不可能

你的姿態你的青睞　我存在在你的存在
你以為愛就是被愛　你揮霍了我的崇拜

風箏有風海豚有海　我存在在我的存在

所以明白　所以離開　所以不再為愛而愛　自己存在　在你之外
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

多謝李珊狄的介紹，
寫得好細膩，難怪你話好啱我聽；

中哂!

今日工作量多，但大致順利，
基本上準時放工返屋企食飯；

返到屋企，
亞媽煮飯，
我同老豆係個廳到睇電視，
我老豆睇電視有好多令人火滾的壞習慣：
例如一定要負責攞住個遙控，
然後不停咁轉台，
我敢斷言同老豆睇電視的九成時間，
每個台畫面的停留時間絕對不超過五秒，
除非係佢睇開的電視節目，基本上一家人一齊睇電視，
絕對可以用"怨聲載道"去形容個刻的局面，
如非其他人無癮決定唔睇，
就係老豆受制於群眾壓力下，
乖乖轉讓轉台話事權;

今日返到屋企，
老豆無係咁轉台，
但一如既往按照個人意願和猜測，
係咁估啲劇情，
即係典型的屋邨師奶，又要睇又要閙；

講返正題，
佢少有咁評論電視劇的三角戀情節：做乜啲人係要搞到咁繁複．．．她同他鐘意咪一齊囉，唔結婚咪早啲分開囉．．．乜乜物物．．．
我禁不住回嘴：咁啲師奶係鐘意睇呢啲嘛，唔係電視劇邊有得追啊！順便加多句：如果感情真係咁簡單，就死少好人；

可能上一代的人處理感情比較簡單，
感情網絡都無而家咁繁雜，
只有喜歡和不喜歡，要不要結婚，沒有所謂的三／四角戀，
喜歡人只會選擇一些可以喜歡的人，
沒有條件/不可能發展的，就不會去想，
正如家族中有些長輩，
就算不喜歡，嫁了娶了，就會安心立命於已成的事實和關係，
是認命還是迫於無奈就不得而知～
所以囉～舊一代的人相對而言似乎比較知足；

記得細個時，
老豆有一次同我係街度，
好認真咁指住一個肥腫難分的師奶靜靜雞同我講：呢個女人差啲做咗你亞媽！

撇開物理和生物的科學，
細細個的我，
望住個個師奶，
點都想像唔到，
我會叫佢做亞媽；

另外，楊怡真係做得好好，
好有身同感受feel!

==================
推介一個從Friend Link的BLOG:袁彌明－不平則鳴
講真，佢俾我印象係一個靠"騷胸"上位的落選港姐，
睇佢個Blog唔係要窺探明星的私人生活，
純粹係欣賞她作為娛樂圈人少有的敢言和率直；

請看在...份上

無意中在網上討論區，
看到網民引用了東方即時新聞網上，
我做的那則新聞消息；

睇到自己的新聞稿被放在討論區上，
忽然再度提醒：原來我們做的事情，真的會讓公眾看到；

近年澳門傳媒工作者可謂在坊間一片奚落聲之下，
默默地撐下去；

似乎，新聞界並不存在士氣的問題，
受到公眾認同和讚揚固之然高興，
就算一直被否定/不獲認同也無所謂，
因為一眾行家都知道，
討好公眾並非自己應達到的目標；

近幾個月好深刻地了解到，
公眾經常指責傳媒做得唔好，
但其實“做得好唔好”，
並非體現在“公眾覺得啱唔啱睇”；

正如某位行家朋友所言，
我們都用了十足的誠意去做好份工!
係誠意!!

或者並非所有人都敬業樂業，
不敢妄想得到認同和讚揚，
但希望憑這點誠意，
換取別人對新聞工作者一份基本的尊重；

．
．
．
．
．
．
．
．
．
．
．
我諗年前係三角花園中間被街坊指住嚟話"澳門傳媒做唔到嘢"的一幕都幾深刻,個畫面唔知點解會無啦啦跳返出嚟,係個腦到重播又重播;

僱傭中心慘遭德成局長連累

哇哈哈哈...哈哈....
太精彩了~要同大家分享吓!

(轉自明報新聞)


德成局長變女傭 陳太入戲勝湯唯

(明報) 12月 07日 星期五 05:05AM
【明報專訊】民政事務局長曾德成前日於立法會大發官威，發言時突然「爆肚」不點名批評陳太「忽然民生」，即時成為全港傳媒焦點。


Emily昨日早上聽收音機，就連節目主持人林海峰（阿Jan）都在節目中諷刺局長，更連累與局長大名同音的「得成僱傭」公司，慘被牽連。

阿Jan說﹕「德成原來咁惡，會唔會影響僱傭中心形象？」佢又話，如果一提起曾德成就會令人想起得成僱傭，又不知會不會令人想起得成僱傭的女傭會跟僱主說﹕「為何要忽然煮飯？忽然洗衫？忽然放狗？」

阿Jan跟拍檔你一言我一語，澄清自己亦不想捲入政治漩渦當中，但奈何事件的娛樂成分實在太高，仲精彩過電視劇。主持人話，這齣由曾德成同陳方安生領銜主演嘅戲，除了卡士好之外，一分鐘的起承轉合就中晒觀眾口味，而且對白精彩，仲大讚陳太的表現猶如電影《色，戒》嘅湯唯，不單止能夠長期入戲，情感真摰。

Emily心想，若果曾德成變成梁朝偉的角色易先生，都相當令觀眾……阿Jan就無話曾德成似易先生，反而話佢似里安納度狄卡比奧，大讚德成局長演技「一鳴驚人」，以前只做「過鏡」的小角色，今次第一次擔正做男主角，發表言論後玩失蹤，又拒絕回應，令到大家不知劇情如何發展下去，這樣才算最吸引咁話。

作反

早半個月做媽閣廟事件時
行家康少形容澳門當前局勢：國之將亡，必有妖孽！

而事實證明，
就算寵裡雞自己唔作反，
妖孽都會自動自覺湧入嚟～

PSP今次係無辜捲入事件，
但做了愚蠢的決定，
受世人所責也是應該的，
真係唔知個班老闆諗乜～

重點係逢有妖孽作怪，
都會搞著我哋；

澳門今年肯定係流年不利～
還望當官者好自為之！！

發作

踏入12月，
聖誕氣氛未至，但購買意欲高漲，
仲有旅行蠱毒發作；
不過無錢，又無假；
放假又咁0岩夾咗係聖誕節之後，除夕之前，
不論去那裡做甚麼都很不對勁；

暴力小熊一角，大部分均由朋友送贈

除了書和畢業公仔之外，其餘都係工作場合獲贈的Souvenir；好！執好屋之後要盡快睇哂買了未睇的書～

What deal?

生活不算繁瑣，
工作不算忙碌，
心情平靜但繁雜得很的一星期；

娘家大致裝修完畢，
用了短短一天的時間解決買家具事宜，
對家具本身沒有甚麼大要求，
但對屋企所有物件歸有其位卻覺得有迫切性，
搞埋聽日，可以恢復正常；

由於上半月的工作扯得太緊，
或者是習慣了，也因為工作的步驟要求開始放緩，
十一月的下半月感覺已經沒有那麼辛苦；

由於施政的關係，
我由"軍曹落格"(jojo教的~哈)開審組調派到施政組， 被迫聽到一班"碌叔"兩星期的廢話！ (哈哈，我們好專業，特登為每單主題新聞另闢一個人員組別～當然，我們還會因應情況組成：遊行組/路環攝影組/甚至是近期的臨時娛記組~)

順帶和應一下太皮的議員咖啡，
立法會的奶啡以及牛角包真係好好味的， 連我這個不算太好咖啡的人做施政時都要每日來一味， 價格仲平到你唔信：一杯正常Size的奶啡＝1.5MOP； 無錯！係個半！ 有機會行開，都要特登扮市民入去旁聽試吓杯咖啡～

當一開始進入工作，
就可以上咗身咁，
完全投入當中；

唔係話自己有幾專業，
而係本身就無一心二用的天賦，
當進入working hours，
就算有些事情幾困擾情緒，幾深刻，
都可以在此期間自然地被暫時遺忘，
不知道是好事還是壞事；
但Ivy說過這是好事，
我想也是吧！

不想被朋友問及為什麼/是甚麼和怎麼樣，
因為自己也說不清，
說清了也不知是否能維持長久；

是一個對的決定，
也是一個後悔的決定；
不過面臨進退兩難的局面，
我似乎別無選擇；

這樣的情緒下表面依然維持正常的生活和工作，
其實我覺得仲恐怖；

做對了=想做...嗎?

正如友人所說

做對了的決定，未必是想做的決定

但有些事情不對勁

就不能退而求其次

原以為忍受到

結果還是不行

對不起

有無搞錯啊!

可唔可以唔好次次都先斬後奏

關乎我的事

可唔可以事前問下我先

可唔可尊重下我的意見

我唔可以向你發脾氣

亦都唔應該

但呢種處理方法

我唔接受

更加唔會妥協

唔會因為事情決定了而順受

小貓施暴一記

娘家裝修期間，

在家姐屋企暫時寄住，

除了張被太輕，搞到成晚"賦"被，

晚上睡覺時會發覺有一團毛茸茸的物體在腳邊動來動去，

以及肚子間中會被借用來作氣墊，

供小貓作三級跳練習之外，

基本於都適應良好；

日日放工回家後，

都可以與小貓上演久別重逢的戲碼，

一星期下來，

小貓們大致都適應了我們的瘋癲行為，

就算被狠狠抱著，也練得很處變不驚，

十分厲害！！

前天晚上屋企飛來了一隻"飛飛吓"的昆蟲，

被小貓兩隻小手一合！一抓！

抓死了．．．然後吃掉，

前後不足三分鐘時間，

好殘忍．．．好暴力．．．

生物的世界裡，果然是適者生存，你死我亡；

說得太多，做得太慢

特首宣佈公務員加薪7.27%，
即攞緊20,000蚊人工的將會加升至21,400蚊，
對比香港認為明年加薪5%的標準，
澳門加到超過百分之七，應該都好開心啦！
不過呢個係不是公務員的我的想法；

睇返不少公務員朋友的反應，
摒除仲要等草擬法案/過立法會等長期工作，
大家加了人工似乎都唔係幾開心；

覺得加唔夠自然不在少數，
反而部分人對特區政府這個"老闆"的埋怨更惹人深思，
似乎公務員士氣低落情況頗為嚴重，
已非僅僅老闆話"派錢"就能了事，
Why？

近年特區政府的管治威信倘以"蕩然無全"形容亦不太過份，
不知該說澳門人的政治質素提高了，
還是說澳門人太貪心；

總之，政府的所有動作，
似乎都不能再令市民認同，更遑論感到滿意，
信任度每況愈下；

好似我都成日以小人之心，
用陰謀論思考政府的所以行為，
真的．．．

回歸正傳，
我估，作為特區政府公務員的一部分，
整個團隊得不到市民認同，認受性偏低的情況下，
工作無滿足感，
對自己老闆又唔滿意，
加人工都彌補唔到上述不足的感覺；

如果係咁．．．我明！
近月來的採訪工作充分體現了各間傳媒的實力比拚，
自己做到不好，唯有再努力，
但如果關乎公司報道取向令新聞做得不好，
只能嘆一句"各為其主"；

咎由自取

點解有人可以令你一而再再而三產生失望的感覺
我不明白

最不明白的是
點解仲會對同一個人製造希望
在明知會失望的結果下
再抱持不會出現的希望

咎由自取!!


我討厭拖泥帶水的所有事情
但我無法主動解除目前的膠著狀態

好玩唔好做

圖片出處

今日做Fringe開幕，
見返唔少熟悉的面孔~
點頭打招呼外,
只能將大部分精力集中如何在十級混亂的情況下,
影到靚相,而又安全無恙,
真係好奇怪~而家啲澳門人,
越來越鐘意迫~

自從讀大學要開始搵生計之後,
已經無join佢哋的活動,
在文化沙漠的澳門堅持咁耐,
見到佢哋仲好enjoy做緊的事情,
十分難得~


見到大鳥,
我同佢講:好似好好玩喎!
佢答:係啊!不如入去一齊玩!!
我搖了搖相機:好呀!不過下次啦~
佢瞄了相機一眼,再望一望混亂的情況:係好玩啊~不過唔好做囉!

執到幾時！

我對於扔物件其實十分爽手，
不要了不會再用了不喜歡了就毫不考慮就拋掉，
但唔知點解今次執屋，
執咗幾日都好似仲未執完，
唔知點解間房咁細，
都可以執咗多嘢出嚟！

























執屋的同時，
睇返唔少以前做過的功課和書本，
發覺以前做的功課其實都好有創意，
縱然做唔精緻，也很是用心，
不過而家個人無哂創意喇！

實習個時已經俾人話
作為一位澳門的前線記者，
最不需要的就是創意～

然後再睇返以前的日記，
（不過寫BLOG之後已經無寫～），
當時自己寫過一句說話：覺得唔啱唔公平，就要講出聲;
出處原來係一個亞SIR教的~

其實我已經唔係好記得呢句說話，
但我諗而家駁嘴駁舌的性格，
有可能係潛移默化而來，
更被同事冠以"臭串"之名；

當然而家大個少少，
知道大部分的事情都係唔啱，
但唔係所有事都容忍反對的聲音；



















最頭痛係唔知點樣處理睇過的書，
原來不少朋友都有相同的經驗，
見到喜愛的書會忍不住買，
有的甚至沒時間看，
有的看了又無地方放，
丟了又很可惜，
不如我們搞個集體交換書本活動，
等啲資源互享互用嘛！




再係大埋書中搵到本好嘢！大家特別要注意：賣一蚊咋！





陳Ivy送的燶燶麵包公仔，忘了是甚麼禮物喇，但卻勾起了不少回憶，包括大家一齊在花茶舖工作，見到有蟲蟲，遇上麻煩客，或者無客並排呆座的情況，哈哈～好令人懷念；





好累～～～
過了聽日，
將會過一段形同四處飄泊的日子，
好麻煩！
總係有啲似乞丐咁今日唔知聽日事的感覺！

多事之秋更多事

因為香港的同事卸膊又麻X煩得緊要，
為各位做龍仔一案的同事添加了額外的壓力；
十一月鋪天蓋地連來的工作，
不算多，但很密，
假表也被迫多次刪改；

工作多這也算了，
但正值這"多事之秋"，
家裡竟然要大裝修，
間房仲要換櫃，
雖然預計十天竣工，
但保守估計半個月應該走唔甩；

既然母親大人一副高興的樣子，
也不好掃她的興，
唯有認命，每晚死死地氣，
得返半條人命都要執嘢；

很慘！
累極了只想回到家安安靜靜沖涼入睡，
但屋企七國咁亂，仲要大把嘢未執！

從容應戰

日前放了三日假期，本應可以更好地利用，
就像其他行家一樣，可以一個人出外走走，
但算了～怪不得別人（反正預了結果會是這樣），
只好怪自己一直錯押注；

三日假期飛逝，甚麼也沒有做（但卻使了不少錢）
回到工作後卻即有種上戰場的感覺；

近兩日與同道上法院的同事惡補功課，
真有種重回考場應戰前夕的時光，
不停看不停看，希望到時用得著；

今次可算是一重頗重要的事情，
自己卻學會了懂得從容面對；

我公司一位大佬級的同仁，
共事了一年多，
小妹除了不幸地從他身上沾染了少少狂燥外，
也從他身上明白到從容面對工作的態度；

老實說，最初對他這種態度還有真點不以為然，
我工作時會很專注在其中，
所以會很緊張自己做得好不好，
但亦會對關乎工作的周邊事情顯得很粗心大意；

但呢位同事用了一年多的時間證明，
從容背後，也可以正在很緊張工作，
也可以把工作做得好；

所以囉～我會好好努力地學習如何以從容的工作態度，
將我的"騰雞"和粗心大意收起來，
（有算有也不可表現出來，哈哈！）

此誌特別向被譽為"騰雞妍"的李小姐致敬，
你身邊沒有可靠和值得信賴的戰友，
只好祝願你從容做好工作之餘，
不會賴嘢！

同時也順道向和我同入法院的兄弟安慰：
不要緊張啦～盡自己努力就好了！

．
．
．
．
．
．
．
．
．
．
．
．
．
．
另外有些事情應在這幾天內問清問楚，
不過．．．還是等我考好試才解決好了！

九彩的十一月

踏入十一月，將會是新聞界同仁忙到九彩的一個月，
今年仲加埋龍仔開審，好可能個個都會捱得不似人形；
但對於"有嘢做又死，無嘢做仲死"的新聞傳媒業，
十一月應該會是一個難捱但快過的一個月吧，
祝願大家工作順利吧！
最重要是不要節外生枝好了～

近來總是處於low energy的狀態，
不如搵人搞吓喜事，
沖喜吓都好喎！

悶...

貼吓相．．．

悶死人．．．

悶唔係因為無嘢做．．．

而係生活上那種沉悶．．．

今個月喪買嘢，咩都買一大爛餐．．．

（呢張係Chris影的，幾可愛！！！）

攻心計

尋日去威尼斯人做嘢時，
無意間見到朋友的舊同事M小姐，
我倆其實互不相識，但我認得佢；

呢世界自私的人很多，
畢竟自私是人的天性，
沒有人會太過怪責你的自私，
不過太過攻心計，想盡辦法算計身邊的人，
從中得到利益，真係好唔要得！

如果真係得到利益都還好，
但大部分都似乎在做損人不利已的事，
而且最終一定會被人發現，
我唔會天真到認為甚麼惡人惡報/壞事做不得的~

朋友的經驗告訴我，
被人發現的人通常屬於機心重，但手段低的人，
好心啦．．．一係就唔好做，做咗唔俾人知咁先算叻囉！

印象中被人暗算得最甘的可算是大學時的一件事，
但嚴格來說應該係俾朋友出賣，
事後沒有絕交...甚麼的，但一個教訓令我看清一個"朋友",
應該算係抵咗呱~
但我最嬲就係，佢出賣我，但自己卻無得益，咁為乜要咁？我被出賣得幾無價值！！

To那些遭人暗算過的朋友／陌生人，
小人的確係防不勝防，
但同佢鬥長命不失為一個反擊的方法，
當然，你不屑和小人交手就除外；