點解淨係咬哂我wo...

Eeeeeeeeeeeeeee..........
搞錯呀...啲蚊前幾日開始日日係咁咬我，
係屋企/係街/係公司都有嘢咬，
仲要啖啖都腫到成個五毫子咁大面積啊（怒！！！）
有我係到，大家唔使擔心，
因為啲蚊會咬哂我度！

妖...今個夏天唔使噴香水，
噴蚊怕水吖！



文化中心隔離的回歸紀念館有個關於汶川地震的新聞圖片展，
好多都影得好好，部分甚至未有在報章公開刊登過，
展期到七月六日，
有時間去睇吓，免費入場的；

出團韓國

Carrie帶完團返嚟屋企，
千叮萬囑我不要去韓國旅行，
因為超悶，勁悶，無街行，無嘢買，無野玩。。。
（五日四夜的行程都可以去幾次主題公題，可想而知）

就係因為呢個原因，
結果全程俾班客仔罵罵叉叉，
搞到佢話以後唔帶團去韓國。

還好日本和韓國都不是我旅遊的首選，
聽完佢咁講，再加埋李珊狄之前話韓國啲嘢好難食之後，
更無打算去韓國，又貴。

不過屋企人做領隊的好處，
就係可以幫手買嘢，
仲有手信食，哈哈！
零旅行的消費，有去旅行的半成享受，幾好！
















紫菜&雞泡魚乾
























Skin Care嘢...韓國買平好多0架！



















又係得韓文字的辣味麵．．．其實都唔知係咩味


癲0架咩。。。
係咁落雨。。。






























JOJO架車的蕉先生，仲學人著皮褸戴超！！幾潮～



























今日李珊狄生日，
老實招認我真係無為意。
應該話，我記得係628，
但無為意今日已經係6月28日，
唔好意思。
下次Kiss補返～唔好嬲。
2X歲生日快樂。

請守誠信

光同事私人買的18-200鏡頭，
好用到喊．．．

重點係好輕好輕，
比起公司原裝的17-35同支200夾埋，
起碼輕四分之三。

不過五千幾蚊，
又係新鏡，加上做嘢之前俾人嚇完一輪，
今日借嚟用，一步一驚心。




哈哈，我又放假了．．．兩天喔！
羨慕嗎（嘿...炫耀狀!）

聲大大的颱風"風神"威力好像不怎麼樣，
落少少雨好喇．．．
唔該識做唔好又風又暴雨。





應承咗人就一定要做，
擔保唔到唔會應承人是我一直(希望)的堅持。
（是啦，我知道我有時都會做不到）

所以當別人答應了的事卻失信，
我會以冷淡表達我的生氣，
以冷淡看著對方親手摧毀自己的信用，
通常，誠和信兩者共存的。

誠信或者是不用刻意經營，
不過一個人要誠信破產，一次半次的事而已。

賤如泥的高尚職業

一位朋友經常說揸筆搵食很了不起，
又說做記者是一份祟高的職業，
我一直覺得愧不敢受，
近日更越來越發覺澳門傳媒根本不是這回事。

就以近日傳銷公司事件為例，
被行家諷刺為「有事鐘無豔，無事夏迎春」的內地經銷商，
早前到傳銷公司追回貨款不果，
紛紛致電各傳媒投訴，
目的要我們報道，閙大事件好迫使傳銷公司退款。

結果上星期傳銷公司肯退錢，
逾百名內地經銷商在該公司門口集結，
一眾行家上去看個究竟時，
他們反而擔心事件閙大，傳銷公司不肯退款，
竟然甚不禮貌地喝斥在場採訪的記者，說甚麼有肖像權，不准拍照云云，
有一小撮人更圍著一位報章女行家，動手拍打她的相機，
態度惡劣。

老實說，這種“打完齋唔要和尚”的事件對我們來說已見怪不怪，
但今日那班人竟然再次通知傳媒到場，
好像說不滿退款額之類的，
連我香港的公司都有收到他們的投訴電話，
香港同事還Fax回來要我們跟進。

原來有人真的臉皮很厚，
還把利用傳媒的意圖表達得那麼直接，
我知道有不少記者都為此感到氣憤，
無奈還是得完成採訪工作。

有時出去採訪，遇到不平和不禮貌的對待，
不是其他沒有去採訪的人能感受，
只可以把啖氣忍下去。

例子二，
昨日同事去機場做一單商務新聞，
亦遇到一位甚不客氣的公關，
據他形容，那位公關一副討債的嘴臉，
借別人的場地搞活動，但又“指示”記者不要出人家的地點名稱，
好像連記者的採訪自主都要干預。
派發活動資料亦用一個“派米”的施捨態度，
不知道是不想幹，還是覺得傳媒麻煩到她。
我也大約幻想到她的嘴臉，應該很令人想“打巴”佢吧！

採訪通知是他們發給傳媒的，
又不是傳媒夾硬要去做新聞，
去到又遇到一副這樣的嘴臉，
真的令人很火大，
你估傳媒真係好想嚟，受氣兼幫你做宣傳嗎？
況且又是商務新聞，
一般情況下，實在不應該幫你出，
就算出，都唔會出公司名囉。

例子三，
澳門廣場地下的瑜珈中心，
最初接觸他們，是源於他們要召開記者會，
不知要澄清甚麼，
原先答應了要去，結果當日突然得知要採排聖火傳遞，
後來致電他們說不能去了，
結果對方反罵我，說我答應了不能不去，
因為我也不去，大報就不會去採訪他們，
由於事件的確應承了人，唯有忍著氣地說了不好意思。

後來聽說本身已經沒有幾家傳媒會去，
因為大報為了避嫌跟瑜珈公司講明，不會進行單獨訪問，
於是我說不去，就令對方很心急。

後來有一批客戶向消委會投訴他們，
思謙更罕有地公開點名批評，
眾行家落到去時，
又俾對方指私人地方，不準拍照，更要求我同事刪除已拍下的照片，
我同事還說，一名大隻的瑜珈男教練，
還走埋去兇他。

（題外話，佢都痴痴哋，
記者影咗的相點會咁輕易刪除，
況且你係邊個先，
警察都無權要求記者洗相啦。
後來大佬教，
如果再係咁，可以叫對方報警處理，
還說對方身有屎，理虧才不敢閙大件事。）

之後再上星期，
那間瑜珈中心發了採訪通知給傳媒，
議題一：澄清早前傳媒對其公司的不實報道，
議題二：公佈即將開幕的消息。

那次我們沒有去，
我更嬲得想撕爛張片。

又要插人哋屈你，又要借人哋幫你宣傳，
都唔知話個公關太蠢，
仰話係佢為了維護公司的權益，無所不用其技，
但我覺得係前者囉。



唉．．．
此類大大小小的例子多不勝數，
所以有時我覺得澳門傳媒都幾賤，
鐘意利用時就被人利用，
反轉臉人家也不會跟你客氣。

無奈作為前線的記者，
就算怎樣也好，都要完成採訪的工作，
只要有一間傳媒堅持留場採訪，大家都會留下來的。

萬一真係抵唔住頸，憤然離場，
老闆不會聽原因，
老闆只會見到條新聞係“獨無”。

6．12燭光晚會

明愛在5.12汶川大地震一個月後的今天，
在大三巴舉行燭光悼念晚會；

估唔到有好多相熟的行家和前行家，
都以非工作身份去參加，
超有心；

相影得不怎麼樣，
Lx2果然不負"Noise皇"之稱，
當然加埋我的超級手震，
嗯...


震後重生，燃點希望


工作中的行家












笑得好甜的小朋友






行家＆前行家們的傑作，感覺好warm~~














電台阿文分享到災區採訪經驗


潘志明

2008-06-10

懶。。。
悶。。。
Low energy。。。

都係睇相把啦~

大佬的作品：市民日報的歌莉婭＆我～


書亞的作品"幻影無敵手:死！！俾佢發現咗我曉功夫的秘密tim!!!!!

其實個記者會無料到要轉筆...唉...成日做嘢都本末倒置，唔好當啲市民傻至得0架!

近期幾次俾同事和行家偷拍後，
發現自己甚少在做嘢的過程影相或同行家合照，
第時自己做過咩都唔記得，
有機會影多啲先。





最愛冷麵




















第一次上tower食buffet，
雖然我超憎食buffet，
不過旋轉餐廳都ok，
Thx蘭姨＆東少。

仲有要同蘭姨講聲唔好意思，
我不是很忙，
但總是有很多瑣碎事要做，
有機會去香港搵你食飯。

政治化

眼見近半月的大量捐款採訪"通知"，
真係勁想講：捐獻不留名啊！
有邊位行家夠膽，
不如搵日做捐款時大大聲咁講一次，
不過我就唔係好敢．．．哈。。。

有人成日侍機以救災為名作獻媚之實，
但捐款是否就等於政治取態，我保留 。
近日甚至有人講，傳媒去唔去災區採訪，都係一種政治取態。。。。
想得太多了，
或許就不是我們基層需要想的問題。

＝＝＝＝＝＝＝＝＝＝＝＝＝＝＝＝
覺唔覺啲貓仔唔係幾高興，
成日睥住我。。。。。。。。































行經新馬路時見到幾個小朋友，
大熱天時扮熊貓向途人義賣熊貓襟章，
仲要充當人肉佈景版，
辛苦哂。

Let it be

昨日放假竟然發生了食嘢唔記得自己無錢，
要急call救兵到場埋單的瘀事，
自己笑了很久，也讓別人笑了很久，
小雨哥哥形容為白痴＋大頭蝦的行為。

當解決了有人埋單的問題後，
我忍不住將這件好笑的事sms給好朋友們分享時，
不足一分鐘內，即紛紛收到他們打算趕來的支援電話，
十分感動，
原來我有很多對我很好的朋友和同事。

頭先和久未見面的朋友食晚飯，
埋位一點沒有生疏感，愉快地過了一頓暢所欲言的兩小時，
真正的朋友就算好耐無見，
都是無須warm up的。

回家途中，
撞到了大學的導師，可惜當我回頭時他已走遠，
沒有他，今天的我絕對不可能當上了記者，
今時今日仍然十分感激他對我的認同。

呢個星期過了一個十分心淡＋沮喪的七天，
期間想不到竟獲得很多匿名人士的留言撐持，
真的，無言感激。

今時今天，仍然很享受走在社會最前線的感覺，很有滿足感，
今時今天，仍然會為我的工作感到自豪。

其他的，唯有暫時不想了，
因為真的無能為力。

剛從四川回來，當地即遇上大地震，
給了我很深很深的感觸，
有些事情無法強求，就順其自然發生，
有些事情也就放下，就無介懷了。

"無冕皇帝"...

澳門高B記者...

本地傳媒僅有的形象一舖清袋！

獲多方贊助，身嬌肉貴的澳門記者出發啦....

我們冇記者的！

澳門報紙吾不欲觀矣！

澳門記者真幸福

我估今勻有記者同往四川......

無錢派記者..有錢去新加坡

澳門記者......唉!

唔知澳門傳媒會唔會報導?

殺到埋身

四川大地震，
大家除了關心災區和災民之外，
亦都很關心前往當地採訪的記者。

一早就預料到，
有人大力讚揚鄰埠記者拚搏盡責的表現，
自不然有人會對本地傳媒大力評擊。
---"點解無澳門記者去四川災區採訪?"
---"點解澳門的傳媒都要靠外地傳媒獲知災情的發展?"
而我聽過最難聽的是:澳門記者貪生怕死。

澳門人對澳門人和事物的批評，
一向都是不留餘地，
而時果然殺到埋身，
電台/網絡等公共空間都開始群起炮轟本澳傳媒。

雖然大家都說，
外人不明白箇中原因，
正如sandy baby的一句：
不是自己說一句"我要到災區採訪"就能到災區採訪這樣簡單。

小雨哥哥都講，
把口生係人哋到，講咩控制唔到，
無需介懷。

的確澳門傳媒很多時都會遇到別人無理惡意的攻擊，
不過今次撫心自問，
有無人可以理直氣壯答到"點解無澳門記者去災區採訪"這個問題，
面對別人的指摘，
還真的有點愧而受之。

另外補充一下，不是無澳門記者去災區採訪，
澳亞衛視有派到人去的。

往四川的前線行家，加油~

隨著救人的黃金七十二小時過去，
縱然大家都持著"救得一個是一個"的不放棄態度進行救援工作，
心裡也明白找到生還者的機會是越來越微，
所以看到零星還有活人被救出的奇蹟，
也很令人深受鼓舞～～

除了向所有救援人員致敬之外，
此誌亦特別向所有往災區的新聞工作前線人員鼓掌。

獲派到當地採訪之前，
或者已對當地的惡劣情況打定底，
但相信實際情況，比預料中更壞上千萬倍。

背上一大堆採訪儀器，
電視畫面和報章圖文告訴我們，
前往採訪的新聞工作者為求到核心災區採訪，
真的要攀過石路，
真的要涉過泥澤，
真的要徒步行走十數小時，
真的要露宿...捱饑抵餓，
真的只能用"艱苦"兩字形容。

更惶論過程中不時發生的餘震，
隨時可能再一次面臨地裂山傾，
以及已開始變壞的衛生環境，
惡劣的採訪環境絕對不是外人能夠體會。

每日追蹤式地看電視新聞和報章，
當中發現公司派去四川當地的記者不多，
但香港同事們每日的返稿量卻非常非常大量，
覆天蓋地式的多方位報道，
讓身處千里之外的我們，清晰了解到災區的具體情況。

環境很惡劣/採訪條件很壞/時間很有限/外限給予的支援很有限，
但他們都能夠在短短時間內，
有條理的pack好一個又一個故仔，
以最實在的畫面和圖片，
向我們展示了天災造成的震撼，
以及無法令人置信的殘忍浩劫。

所以每一個畫面/每一張相/每一篇稿，
我都會以一個珍惜的態度去看待，
因為真的得來不容易。

在此默默地向所有到四川採訪的行家表示敬意，
祝願你們平安和工作順行。

牙痛兼地震．二

是日放假，
昏迷式的睡去了半日，爽！
不過醒來後卻發現左邊臉像豬頭般腫了起來，
其實不算是很痛很痛，
但腫哂...點見人，
好啦，聽日再係咁就take大家的advice去睇牙醫。

醒來後吃了係台灣買回來的杯麵，
而家只可以用右邊的牙食嘢。



近幾日看電視報章，
發現出事的重災區，
被震成塊狀的路面/山泥堵塞的山路/嚴重倒塌的建築物...
以及被石屎泥壓得扭曲了的屍體,
都是早前到四川曾踏足的地方，見過的景物，
難免有越睇越心寒的感覺。

經團友轉述中聯辦的同行官員說，
其中一晚行程我們住在震央汶川，
酒店對面曾幫襯過的街邊小店鋪已被夷平，
有點難過，老闆夫婦都很好人，好友善，
希望他們都平安無事。





這是當時影低的相，
不過目前應該已變成了"滿目蒼夷"的地步。

朋友昨日紛紛通知我，
已收到我在汶川當地寄出的postcard，
估唔到收到，可惜已人面全非，真令人唏噓。

隨著災情越來越嚴重，
話我好彩的人越來越多，
有同事更話：如果你仲係個邊，一係死，一係做死！

如果我仲係個邊又唔死得的話，
唔敢話自己係天職，
但基於職業習慣，都會幫手做，
就算而家叫我返去採訪，我都會去的。

但行家團友問我：屋企人會唔會反對？
老實講...肯定會。

食飯睇新聞時，
老豆同亞媽再重複咁話：好在你返咗嚟，唔係實嚇死！
我答：我估你哋會仲驚過我！
又乘機順便教育吓：如果我將來有咩事，唔使擔心的，當生少個就算喇！
（反正屋企人多～）

打定底先，今日唔知聽日事嘛～
老套個句：要珍惜生命。