我會記得這一天

現代的小孩,
一代比一代惡,
小貓亦一樣,
一隻比一隻惡；

玩完麻糬之後（俾佢玩完之後),
我對玉手俾佢咬到花哂...
>.<










































重要的11月26日,
記載我覺得重要的一件事情;
近日常常在想,
我很想對一些我覺得重要的人好一點,
不過我不懂得,
不知道平時算不算差,
不知道怎樣才算好,
我有時會告訴自己...想做就自然會做得好,
不過...我好怕會弄巧成拙。

有些人原來會在你生活中突然消失,
突然地斷絕了聯繫,
不想再重覆當日沒有好好對待某些人的後悔。





.

2008-11-25 (賭王又生日的一天)

近兩月好懶update個blog，
其實無乜特別事發生，
但有不少特別感想，
只係懶。
　
＋＋
開始習慣在家打稿，
習慣做少好多Daily嘢，
習慣做多好多公司啲老闆嘢。

打打吓稿時肚餓，
吃到媽媽熱騰騰的水餃，
打完稿的一刻，又即刻free咗…

唔好處係打稿慢少少…(狀態問題)，
同埋地方細，間房肯定亂哂！

＋＋
今日在成班港記在場（＝你死我活）的場面，
竟然聽到語重心長的一句：阿妹，有得影就好影啦！一陣何生走咗無得影ga喇！

話說今日勁爆多記者，為了追訪影相攝影，大家各自鬆踭之際（係！鬆踭文化係港記的專利！）某位港男攝記可能見我細細粒，左攝右攝位，竟然自動讓位俾我影之餘，仲開口講了一句，當場有少少Ｏ咀…太意外了！總之唔該哂！其實港記中都有好人。

＋＋
前日遊行，
巧遇問路的港記，竟然係香港同事，
即場相認了，仲記錯我個名，好搞笑。

好好人，
主動問我有無攝記，仲話叫佢個攝記幫我影埋，
以東記的企業文化，咁好人．．．對方一定係新人。

＋＋
戰友說，由行動走到行政，
以你的性格，真是難為了你。

＋＋
又到聖誕節，
又到一年了。

經此一役，
原來份工都可以好無擔保，
莫講話其他嘢，
與短視無關，
是不敢看太遠的事情。

入行三年，
一切所謂新聞變了習慣，年覆年的重覆，
已不太懂得分辨重不重要和喜不喜歡，
但卻學懂了慣性重要和慣性喜歡。


人也是，
已不太懂得喜不喜歡，
只懂得可不可以喜歡。



.

忙著習慣的一星期

「新」工作方式開展一個星期，
好像整天都在放假，又好像整天都在工作一樣，
好忙，忙著習慣新習慣，忙著習慣不習慣，
新工作組合似乎相當旺場，
開工一星期內，體發局裝修工程爆炸、差佬文碎屍尋獲、金沙停工、皇冠減薪等突發事件停不了，日日新鮮鑊鑊金，係咪我哋腳頭太好？
還好大家有的是默契和互諒，
期望日後工作繼續順利！

因為工作環境和模式的突然轉變，
令一眾行家關心不已，
作為當事人，聽到的意見不少，
願意提供的協助更多，好感激，出外靠朋友，果然是至理名言，
總之所有意見和援助，心中已全盤接收到了，謝謝！

然而咁大件事自然少不免奚落的聲音，
總之，當事人有何居心，大家心中有數，
亦不必要在意無關重要的人，
做人做事，行得正企得正怕甚麼？
日久見人心，明白你的人自然會明白。



期待已久發生的事，預知遲早發生的事，
豈料一旦殺到埋身，依然會左諗右諗，
小時候相信結果唔重要，過程才重要，
人大了，才明白所有事情，最重要都是結果。

無法解釋看到一切後的繁複心情，
想不到不快的感覺竟然如此強烈，
唯有透過這種方式直接表達不滿。

從不抗拒事情的來臨，
只是擔心發生後的尷尬改變，
對一個我覺得重要的人，
我不願看到一個不可收拾的局面。



.

超high的Jolin concert!!

第一次自己俾錢買飛睇演唱會,
雖然唔係Jolin fans,
但至少佢D歌我識唱(唔會好似上次城城咁...全場呆坐~_~)
同埋佢跳舞超好睇~
跳足兩粒鐘無欺場!

佢的魅力仲好勁咁動員全場企起身唱歌~
同Ivy baby玩了超high的兩個鐘~~
雖然飛好貴...坐到好遠,
但都總算值得~



















.