Wednesday, March 24, 2010

兩會作結

災難的「兩會」工作在每日倒數禱告下終於完結,

總算達到「不求有功,但求無過」的目標,

與MOON做了兩星期的連體嬰,

幸得全部的「有錯有漏有疏忽」,得到您的包容和原諒,

真的十萬分感激。




災難性,

並不包括每天寫稿寫到12點1點,

洗個澡,攤上床已經係凌晨2、3、4點,

小睡數小時後,7點又要起來,

無得瞓,是兩會非人生活的典範。




災難性,

是由於澳門天氣唔生性,

出發當天因為大霧關係,已經DELAY了近五小時才出發,

想不到好戲在後頭,回程時同樣因為大霧,

明明已飛抵澳門上空都被迫轉飛香港機場降落。


由於第二日已經要做新特首施政,

大家感覺好無奈,

9點降落香港機場,10點落機,

直接往返澳門的機場快線渡輪已經關閉,

由航空公司安排下,要在機場入境坐巴士去上環碼頭,轉船返澳門。


大伙兒抽住兩星期份量的行李和倦透了的身軀,

順着安排忍受着大半晚的額外節目,

最後坐凌晨1:30船,在凌晨3:00抵達澳門,

本應3小時的行程,額外用多了7小時才能由北京返回澳門。


在今次行程中,

最大損失係自己好唔小心遺失了細相機,

北京兩星期的snapshot無哂,好心痛!

入面有好多北京的雪景……


出發到北京前確實百般不願去,

整個行程完結後,

也覺得一去無妨,當做記者生涯的一個體驗,

不過去一次就夠了,希望唔會再有第二次。



回來後,無意間的閒聊,

凝聚了一個從未曾在人生中安排過的計劃,

即使「PLAN易行難」,要有100個考慮,

即使不被看好,

但倘若決定了要做,

我相信自己一定可以做到的。














.

3 comments:

sandy said...

終於寫返兩會ge 報告啦...又會咁大頭蝦唔見左相機...我都覺得最心痛唔係部相機係裡面d 相呀

有咩大計呀?

你轉左工之後,我真係甚少見到你呀...得閒約埋2位小花出黎聚下啦~

Janet said...

我記得除了上次去阿瑩家拜年外,對上一次聚會食飯,應該係你轉了工後不久的事情...耐到呢....

sandy said...

有咁耐咩........八王子個次?
真係好遠古啦~~~快D 約下食飯啦!
唔係應該要等瑩B 滿月GALA~