Show must go on

五年一度的大人選擇，天寒地凍地晨早起身工作，一眾行家於攝影台上拍照留念也不過份吧！可惜相中行家不及當日到場採訪人數的一半；


早前某葡文報紙就龍龍家屬開審的新聞，
配了一張舊相，
是一張龍龍仍然在任時，
眾行家的"扑咪"相，
當時入鏡的兩位前行家，
兩人已先後離開新聞界，
並加入政府部門工作；

新聞界被人形容做：高勞動低收入的工作，
雖然我成日都話，而家行行都咁多嘢做，個個職業都難做得好，
但其實做記者真係要夾埋好多天時地利人和的條件，以及200%的堅持；

新聞界的前線人員流動性一向好大，
但若然是找到適合而離開，
離開的決定比留下更好，
是一件值得令人高興的事，
人總是要向前看的；

Show must go on
世界不會因為曾經存在卻已離開的人而停止轉動，
但曾經留下過的，
將被銘記於人心中；

凌晨五點幾啊．．．

尋晚因事至凌晨四時半才入睡
豈料五時多竟被一個SMS閙醒

完全未有被SMS的內容嚇得方寸大亂
亦未引發任何胡思亂想

只是心裡禁不住地疑問加上八成的肯定：
其實你係咪send錯俾人呢？

Send錯咗唔怪你
但下次可唔可以揀過其他合適的時間？

無聊一貼

日式蛋包飯

左上角的松阪牛肉竹筒飯超好味！！！

無食過，但賣相吸引的蝦球

呢個都無食過，但聞到都覺得好重香料味的一道上海菜～

．
．
．
．
．
．
．
．
．
．
．
．
日前能見度超低的街頭相，200米以外已經睇唔到嘢~


























我本身無宗教信仰，
對於佛教傳誦的因果關係，未必會奉若神旨；
但我相信事出必有因，
有些新人有些新事突然在身邊出現，
未必是要創造新的結果，
他們的出現，
反而幫我解開了前人前事遺留的執念和不確定；

2008-1-14的court case

近派因為幫朋友一個小忙，
結果放假比返工還要忙，還要累，
而且近日不知何故，
背脊膊頭頸部的酸痛情況再度湧現，
僵硬的感覺就好似...有塊木板貼住個背脊一樣，
個頭向左向右扭唔到九十度，就已經feel到痛；

而家各行各業都有所謂的職業病，
新聞界每天攞相機攞Cam的同仁，
膊頭都係咁上下，
唔知年尾有無得頒授積勞成疾勳章；

今日龍仔家族案首日開審，
其實我做法院新聞的機會不多，
但多得終院數堂的特訓，
現時mark point已小有成績，
無得錄音已經唔係一個問題；

不過做court case最難的是要比平日的新聞更客觀，
捉point要捉得更貼題；
但今日係庭上眼睇耳聽的一切，
頗難控制自己突然浮出的於心不忍，
以及忍不住的認同；

份內事

自從來到香港報紙工作之後，除了要經常留意香港興緊咩新聞，係澳門呢邊做返Follow up之外，仲要重新學習報道取向和本地報紙十分不同之處；

唔止一個人同我講過，讀新聞系的人做新聞，反而會比較難上手；原因係讀新聞出身的人，四年內總有一套書本上既定的規範，最深刻是四年內每個導師都會耳提面命：做新聞要公平客觀準確；當然，現實採訪和寫稿的工作，總是有點分別；我不知道其他讀新聞系的人是否會這樣，但我就用了一段時間去適應和接受兩者間的分別，尤其做香港報紙之後，衝擊更大；

記得起初啱啱嚟而家公司做時，
自己做了幾次故仔之後，都俾老闆"醒"咗幾嘢，
其實都幾唔忿氣；

但佢話所謂的新聞價值，
其實要視乎讀者有無興趣睇，有無興趣知，
如果讀者唔想睇，無興趣睇，
條新聞做得幾好都只不過係垃圾；

老實講，我老闆成日都好多歪理，
但呢樣嘢算係我記得最入腦的一樣；

而家明白，作為前線記者只希望力持做新聞能夠公平公正客觀，遇到行內俗稱的"老闆嘢"時，就算幾無奈，都只可以照住公司意願去做；如果堅持己見的下場是新聞稿被丟落垃圾桶，咁就無意思；但我覺得呢個諗法一點都不負面，反而覺得自己是對待同類事件的一種積極和樂觀態度；

零七年新聞界遇到好多特別的事情，
前線記者付出了多少努力，
未必有目共睹，
間中仍然會為同行感到不值，
不過經過入行兩年多的磨合期，
總算放開了；

我們可以控制的事情實在太少，
雖有努力做好自己份內事，
對得住自己就可以了；


再推介一下BLOG：
香港無線記者吳宜婷

展望新一年

冷落了這裡好久，真抱歉；
大家近半月紛紛忙著檢討過去一年之際，
我也順便講下近日在腦海中盤旋得最頻密的問題；

其實成日有人話我串，
但我想澄清一點，
串...大部分時間都屬心直口快之言，
真正的串．．．是對著神憎鬼厭之士的不留餘地，
我諗我把口真係越來越毒，
可能部分說話都幾具殺傷力；

雖然有前輩話：唔得罪人唔係好記者，
但對於所有朋友／家人／同事，
如果真係得罪，先講聲抱歉 ，
呈口舌之快，很多時都係自己唔著數；

新的一年，
期望各位提點小妹學會慎言，
二零零八年，共勉之；