活在當下

天氣很熱很悶焗，
今日下午在噴水池等做嘢時，
主辦單位又遲埋位，
搞到大家係街上乾蒸大半個鐘，
將所有可以講出口的粗口都講了幾次，
（太熱喇…要宣洩吓嘛…）
終於埋位做嘢。

結果，扑咪期間，睇住一大舊烏雲游過嚟新馬路，
扑完咪，即落雨。

日曬雨淋，名副其實的。

想不到電台行家小雲係space閙得仲勁，
除了天氣，採訪時又會無辜承受很多不明所以的冤屈氣。






























今日得知一位相識不久的朋友患上很嚴重的病，
很突然，有點難過，有點不知所措，
還有更多的心痛。

雖然相識不久，
但已經領教過我的大懵和白痴，
上次食嘢無錢俾，
佢係第一個問我係邊的朋友，
一個對朋友極好的義氣仔女。

既然安慰的說話無實際療效，
不如還他一個安靜的空間，
只好默默地等候治癒的消息。

如果你還有來這就的話：
「撐你，加油啊！等你結婚請飲架！」
還有你欠我的盛記白粥！



講起活在當下的問題，
忽然了解今天的我們，
都缺乏了不顧一切的勇氣，
凡事想得太多，顧慮太多。


講到呢一句，
我係覺得+承認自己無膽囉。