祝福您們

習副主席旋風式抵澳，
走訪全澳咁滯，不知幾咁好精力，
難為連場奔波的行家。
去一場又講幾句，
走一場又嗡兩句Slogan，
驚玩你唔死。

人手安排是一個問題，
原來無得去現場，問題仲大，
對我來說，唔係現場，寫出嚟點都係差少少現場感…
更何況係電子傳媒，
要Take shot要收聲，
要來來回回奔走駁返條聲。

剛剛看到電台小雲的描述，
電台一眾同事追訪習主席的情況，
四個字：集體崩潰。

適逢剛剛有同事離開團隊，
確實是很影響士氣。

我以前都會咁諗，
都會唔開心好耐。

不過華女話，
離開新聞界對當事人來說，
是考慮後覺得較好的決定，
日後當她也離開新聞界時，
要我一定要好好祝福她。

有人近期教會了我一件事，
任何一個決定都是當事人覺得當時最好的選擇，
所以，日後有行家離開新聞界，
我也會笑著祝福你們找到新天地。




.