今時唔同往日矣~

今日早上出門前，在廳間走來走去之際，
電視正播出一齣不知名的舊片子，但有張國榮、梅艷芳同張曼玉。

話說張曼玉對男友（張國榮）及前男友不知如何選擇，又在張國榮苦苦糾纏下，於是便提出在地鐵站內玩“緣份遊戲”喜歡張國榮又富有的梅艷芳在私家偵探的報告下，遂即前往參一腳。

有幾個Cue我覺得令我有點．．．
1. 當張國榮十分鐘後跑下去地鐵站，打算掏出散紙買地鐵飛時，原來身上無銀仔，心急的他只好冒險地“跳 閘”當然即時被地鐵職員截停：“先生先生，你做乜衝閘呀？唔得咁樣喎，你應該返過去買飛先入得嚟。”說著說著，就把一整排地鐵閘最邊、約一米高的玻璃閘打開（而家香港地鐵站應該沒有了），讓張國榮返回去。


2. 正當沒有散銀、又被職員趕回去的張國榮不知如何是好地站在地鐵閘前，排在他後面的陌生婆婆拍拍他的肩頭，說：“你無錢搭地鐵呀？一係我借住畀你先啦，（張國榮正要拒絕）得啦得啦！過幾日有先畀返我。”幸好梅艷芳出現了，及時打救了心急如焚的張國榮－但她也很誇張，打開銀包成疊一千蚊紙畀他攞，當然浪漫的安排是她早已買了兩張“八達通”幫幫張國榮的同時也決定加入他們的“緣份遊戲”行列。


3. 結果張國榮沒找著張曼玉，反而先讓梅艷芳遇上張曼玉在地鐵出口電梯上的背影，於是她猛地按停扶手邊的掣，電梯停了；梅艷芳被電梯上的人咒罵了一頓，也成功留住了張曼玉，她向張曼玉訓完了一番“如何不懂珍惜張國榮這種好男人”之類的說話後，地鐵職員再次出現：“小姐係咪你整停部lift？麻煩你跟我返去同站長解釋吓原因，請過嚟呢邊。”便請走了梅艷芳，把餘下的舞台交給張曼玉。


這時我再也忍不住說：“乜以前D香港人咁好，咁有禮貌嘅咩？”同我一齊睇電視的母親就話：“係呀！以前Ｄ香港人真係好互助互愛架！後來Ｄ新移民落到嚟，呃得人多先搞到而家Ｄ香港人咁冷漠咋嘛！”
嗯．．．雖然我對我亞媽的解釋有保留，但不要說話香港，現在那裡都是一樣的冷漠，但我看這齣戲時也感到很不可思議，有禮貌、互助互愛的香港和澳門會是怎樣的面貌呢？


可不能怪我對香港和澳門人的冷漠和無禮感到正常，原因是．．．這齣也真不是這個年代的戲（估計至少有十年以上），相同的故事，在現時大概會這樣發展吧：

1. 衝閘的張國榮會即時被“實Ｑ”夾走，下一站．．．警察局。
2. 被擋著過地鐵閘的老婆婆會把張國榮臭罵一頓：“咪鬼阻住嚟啦，知唔知人哋趕時間架？搵食行遠Ｄ啦！”
3. 按停電梯的梅艷芳同樣會被人夾走，事件造成多位電梯上的人受輕傷，應該會見報，分分鐘趕得切出無線夜間新聞。

最大差別的一點是，喜歡張國榮的梅艷芳點會咁好心撮合他同張最玉呢？係今時今日一定會扮重傷或扮暈，令到張國榮局住送佢入院，玩唔到緣份遊戲，追唔返張曼玉。

唉！真係“今時唔同往日”呀！

圖片來源:http://hk.geocities.com/paul_620hk/Paul12.jpg