自從來到香港報紙工作之後，除了要經常留意香港興緊咩新聞，係澳門呢邊做返Follow up之外，仲要重新學習報道取向和本地報紙十分不同之處；
唔止一個人同我講過，讀新聞系的人做新聞，反而會比較難上手；原因係讀新聞出身的人，四年內總有一套書本上既定的規範，最深刻是四年內每個導師都會耳提面命：做新聞要公平客觀準確；當然，現實採訪和寫稿的工作，總是有點分別；我不知道其他讀新聞系的人是否會這樣，但我就用了一段時間去適應和接受兩者間的分別，尤其做香港報紙之後，衝擊更大；
記得起初啱啱嚟而家公司做時，
自己做了幾次故仔之後，都俾老闆"醒"咗幾嘢，
其實都幾唔忿氣；
但佢話所謂的新聞價值，
其實要視乎讀者有無興趣睇，有無興趣知，
如果讀者唔想睇，無興趣睇，
條新聞做得幾好都只不過係垃圾；
老實講，我老闆成日都好多歪理，
但呢樣嘢算係我記得最入腦的一樣；
而家明白，作為前線記者只希望力持做新聞能夠公平公正客觀，遇到行內俗稱的"老闆嘢"時，就算幾無奈，都只可以照住公司意願去做；如果堅持己見的下場是新聞稿被丟落垃圾桶，咁就無意思；但我覺得呢個諗法一點都不負面，反而覺得自己是對待同類事件的一種積極和樂觀態度；
零七年新聞界遇到好多特別的事情，
前線記者付出了多少努力，
未必有目共睹，
間中仍然會為同行感到不值，
不過經過入行兩年多的磨合期，
總算放開了；
我們可以控制的事情實在太少，
雖有努力做好自己份內事，
對得住自己就可以了；
再推介一下BLOG：
香港無線記者吳宜婷
2 comments:
何為歪理/正理？最重要是否有用、實際否，人人覺得對的、理所當然的又是否正確呢？在人生中被挑戰、受傷害等是無可避免，只視乎你怎樣面對和接受，這也是成長路程中的磨練。
仲有一句肺腑之言想說，妳知否自己是在保護網下存活嗎？妳又有否想過有一天，自已在沒有支援缺乏保護的情況，面對各色各樣明爭暗鬥的"飛禽走獸"時會怎樣呢？估計妳想也未想過那種痛苦，而最痛苦的不是遇著這些事或人，而是為了生存不可以選擇"誤玩"、仲要默默地承受。那些感受相信妳不會明的，若日後妳不幸地經歷過的話，妳就會知道。但願妳一世也不知。
叔叔
的而且確，我算是在你所謂的保護網中長大，但在怎樣的環境下長大，我無從選擇，道理就正如你經歷過而不想經歷的歷程一樣；
遇到怎麼樣的際遇，不是我能夠控制，但從中獲得的所有事情，自己怎樣去選擇，才是自己唯一掌握到；
在保護網長大不是我的錯，就算係，也可以選擇不用一個憤世嫉俗的心態去面對的，你有你的生存方法，但我覺得可以不是唯一的；
唔好意思，得罪哂！
Post a Comment