尋日勁黑仔，
話說放假嘛，諗住北上捐血消費。
點之部自動過關機彈返我張身份證出嚟，
我一望：發現身份證上張晶片得返個空格位（=.=’）
發生咩事…塊晶片竟然咁兒戲可以成塊甩出嚟，
我當場O哂嘴…身份證明局想點…
政府而家係咪好窮，整埋啲劣質身份證…
打開銀包搵咗好耐，都搵唔返塊晶片，
起初我以為張晶片留咗係部自動過關機入面，
諗緊好唔好同當值的警員反映之際，
都係信唔過他們的行政效率，
於是Chris幫我查問。
點知佢話我聽，
原來身份證明局，係有counter專門幫人搞晶片啲嘢，
仲要有兩個咁多，換言之，即係…啲晶片成日出問題…=.=
心都寒埋…
出關大計無望，
唯有折返身份證明局搞返張晶片，
兩個晶片Counter前，已經排了十幾人，
一打開銀包，「啪」一聲塊晶片自動出現係地下…
(鬼遮眼…=.=)
對比我的無奈，
身份證明局的職員一派見慣不怪的樣子，
提我三星期後取回新證，
所以我而家暫時用住「行街紙」先，
照樣可以出境。
仲要俾個朋友串，讚我叻，話佢聽都未聽過呢件事，
（而家咪示範你睇囉…）
係身份證明局見到咁多人一齊排隊，
心理先平衡返少少。
.
5 comments:
恭喜妳，何小花，妳塊晶片到而家先至甩！有人發證一年內已失了！
王,
我知,自從爆出呢件事之後,
各方好友先紛紛表示自己或自己的朋友都試過,小case一宗;
好在咋...
唔係我真係以為自己好特殊tim~
有人甚至教我,
用AA同雙面膠都痴得返,
而且仲要用到自助過關唔怕甩,勁到爆~
原來早前身份證明局都講明批晶片係有問題,
唉...希望之後個啲好啲~
唔好話係你呀~
上次我記得有個關員都話...
佢自己果張都甩左出黎~
所以都慣lu~
我成日都見D客既証件晶片甩左出黎但係都唔當一回事,所以澳門出產既野就係咁奇怪.
澳門就是與別不同嘛~
小雨,小管家:
所以咪話...好多人都承認甩過id card晶片後,我心理先平衡返少少...
Post a Comment