2006-11-27

尋晚參加完同事的飲宴,
由於今日放假的關係,
毫無節制地豪飲五個小時後,
早上五時多,在六分醉的狀態下,
回到家中應能順利完成卸妝沖涼的工作,
估是一切皆是習慣使然吧~
然而腦海中想著想著卻完全是另外的事情;

聽說過嗎?
假如一個人正在做某項事情,
在毫無意識的情況下被人從後砍殺,
一刀把頭完全擘甩(不要考慮技術是否可行的問題),
只剩下軀幹的身體仍會繼續之前的工作達數秒之長,
原因是突然被人從後襲擊,
腦海沒有接收到有關訊息,更不可能傳達指令給身體,
故此身體的行為指令仍然是之前"做某事"的指令,
才會發生無頭軀幹自行工作的恐佈情況;

說那麼多,都是為了說明人的腦和人的軀幹是可以完全分開的;

人多的地方,原來亦是看人性的地方,
短短一晚間,看到多種不同的人生態度,有善有醜,
人性的多樣,真的比想像中複雜很多很多,
亦再次印證甚麼人都是有缺點的!!!

味道有助穩定情緒,
在枕邊放上熟悉的香味才可以安然入睡,
結束思想和行為不一的晚上(早上啦~)

甩look月

時近年尾,應該好多行業都好忙,
十一月更應該算得上係新聞界忙到"甩look"的月份,
而大家幾時都話:有嘢做好過無嘢做,立法會主席都係咁講ga~!

又到聖誕節喇,
好似好快咁就過咗一年時間,
過兩個月就係我生日,
今年有點害怕自己生日的來臨,
我應該知道原因,但同年齡無關(哈哈...是不是好幽默呢~ 一,一;)

下個月我有九日假呀!
好想去一次香港,探吓我朋友啦~
每次去香港都有種好特殊的感覺,
但無論我影幾多相,
都無辦法將我每次立足在香港這個地方的異樣感覺說出來,
而言語更是難以表達,
我只會在那一刻感受到我每次都一樣的感受;

------------------------------------------------------
放工等巴士返屋企時亂影的~




呢兩張...有次係氹仔做完嘢,坐順風車時影的~
你睇呢位朋友幾有純真?係降落傘來的~


呢個面目模糊的日落,要歸咎於我那嚴重曝光的手機拍攝功能;


XX 近期的新發現,原來平時表面好似好大男人的大男人,
對住女朋友或者老婆都可以會變得好溫柔;

XXX 再發現原來已經十日無寫BLOG,日前因工作回到澳大,發現我有啲掛住啲大學同學,
然後...下個月有中學同學結婚喇~真想再去多一次中學旅行,而澳門又少咗一個好男人可供選擇...
因為十日無寫BLGO,有點長氣~

2006-11-24

近兩星期忙於做施政,聽落好似有好多嘢都唔關我事或者完全唔關我事,但唔知點解有時又會覺我原來自己都係施政目標人群的其中一員;

有多嘢煮到埋嚟就要食,原本並沒有所謂的可以不可以;

澳博的冰燈展,
雖然會場唔俾人摸啲冰,
但我都有偷偷哋摸咗幾吓,
啲冰雕表面的質感好似玻璃ga!!!

點解唔可以?

書上說:從哲理的角度看,根本是無法解釋玫瑰花是紅色的,玫瑰花之所以是紅色,是由於人們創造意思和定義,然後付予給指定的物件和事件,換句話說,假如程式向電腦安排玫瑰花其實是金色的話,當電腦接收玫瑰花的指令時,電腦輸出金色的玫瑰花,我們就不能判斷電腦出錯:電腦無錯,判斷者都無錯,因為世界上根本就無絕對的對與錯準則,有的只是被給予的意義和批判;

按照這個解釋的話,
其實我們生活上很多所謂的定義和道德標準,
根本就無意義,而且顯得可笑,
大家批判人和事的理由,根本就毫無根據;

點解食飯一定要俾錢?
點解多人一定要排隊?
點解結咗婚唔可以包二奶或者勾佬?
點解唔可以搶人男/女朋友?
點解偷人嘢係唔啱?
點解東亞運唔可以超支?
差人有乜權查身份證?
巴士上係咪一定要讓座俾大肚婆同老人家?
校規唔俾,做咗嘅學生係咪就要記過處分?

當想到所有行為的根源都是"各取所需"的話,
那就沒有所謂的不可以,做了也不一定是錯,
係2006年11日14日的時空裡,
上述所有都係歪理,
但至少係哲學的角度上不是;

妳們好嗎?

2006年對我們來說似乎是動蕩的一年,
結束了這邊的Party,
開展了另一個Party,
一結束一開始,直接改變了一個兩個三個四個五個六個七個甚至更多人的際遇,
人的際遇真的好奇怪啊!
而際遇直接影響人的命運,以及人生的歷史,
發生過就發生過,不管結果如何,始終都無辦法抹煞出現過的人,改變過的一切;

然而這種遇上對妳們來說,
似乎都是令人難過的;
仲頂唔頂得順?撐唔撐得住?
頂唔順,撐唔住唔緊要,
有時死撐都唔係一個好辨法;

而我知道,
"唔緊要,妳仲有我哋嘛~!"
這一類說話是絕對無辨法減輕妳們的難過,
安慰的說話,我不會說,因為知道無實際效用;

沒有甚麼,了解妳們不想用言語表達妳們現正經歷和感受的一切,
只是想問候妳們而已;

痛!

好痛!!!!!
近期身體不同的部分各自出現不同程度的痛楚,
其中以膊頭位特別嚴重,
間接影響睡眠質素,
以前頭痛牙痛乜痛物痛,
唔理佢就自然唔痛,
而家唔理佢會一日比一日痛,
總之一句:年齡大,身體抵擋痛楚的能力下降!

膊頭位痛同工作有關,
下個星期仲有施政,仲有賽車,
還好返埋聽日放兩日假咋!

煙花-2006-11-11

咩態度~

尋日東亞運組委會開記者會,
為東亞運嚴重超支解畫,
仲好似好文明化咁設有Q & A時間,
結果卻帶記者大遊花園,
對部份敏感問題(實是最重心問題)以選擇性失聰回應;

當然意料中事啦,
開得記者會,當然做足哂功課,
除卻組委會以外的其他人不滿足也得接受;

你估大家唔知佢哋"個攏嘢"咩?
說到尾,佢哋同新聞界都係夾份做場show畀人睇(至少我係咁認為~)
係做show啊!又如何?...總得做吧~!

唔同傳媒機構做嘢,真係可以有唔同的態度,
雖然大家感覺都負面,
但這邊記者的態度可以大聲怨罵,
那邊知道就算罵都沒有用,唯有選擇低調嘲諷;

雖然我公司都有報導立場,
但自由度還算大,
我公司的同事個個都"仲有把火",
做記者仲有把火都好重要吓,
仲有把火即係表示仲有質疑的心,
而非順受;

好想搭地鐵

似乎澳門的各行各業在年尾都比較忙;
可能聽咗亞瑩講開去香港,
勾起了我都好想去香港的欲望,
好想去香港搭地鐵!!!!
唔知澳門幾時先起得成輕鐵呢~

貼返啲舊相,七月去香港個時影~

2006-11-4之畢業禮

遲遲未舉行的畢業禮終於都係今日搞完,
雖然見返啲同學都好開心,不過因為上次係學校影畢業相時,
要嚟嘅都嚟哂,所以今次只係叫咗一兩個上次無嚟嘅朋友去,
連屋企人都無嚟,
所以今次都係為咗行畢業禮而嚟,無乜特別開心的感覺;

不過,大會啲安排真係好差勁,
當校方向我哋個系致畢業賀詞時,
司儀叫人哋個系時,啲工作人員竟然要我哋起身,
點知緊接先係我哋個系,
有同學咪唔坐低囉,
點知啲工作人員走過嚟叫我哋坐返低,
我哋咪同佢講讀緊個個先係我哋個系囉,
說時遲那時快,已經過咗個十幾秒的時間,
結果...我哋新聞及公共傳播系的同學言不正名不順地畢!業!了!

頂!真是他媽的!!!
搞到我哋班同學都有啲唔開心,
事後道歉咁又點?我哋畢咗業喇!
唔該專業啲啦!

不過意外的是收到同事的msg,雖然佢哋無嚟,
但記得我行畢業禮,
都算有啲驚喜~

係氹仔整咗半日...梗係要食番餐好啦~

觸礁

問:觸礁係咩意思呢?
答:海底有很多珊瑚礁
如果船的底部撞到珊瑚礁
船底有可能穿了而沉沒

所以觸礁.. 解作.. 出事啦!
(資料來源:Yahoo!知識+)

而觸礁又可以稱之為"領嘢"
----------------------------------------------
原來自己的底線可以不斷咁落,
以為自己仲畀得起的同時,
亦是自己愈來愈領嘢的時候;

我記得兩年前曾經誇口,
唔相信一個人可以徹底淪陷,
尤其是我這種自尊大過天的人,
如果我遇到這樣的一天,
那將是我遭受報應的一天;

而事實證明,
我終於遭受到報應;
-----------------------------------------------
後記:
唔少於三個人同我講:不如算啦,好無?
既然我答過:"唔算都唔得!"係唔work的話,
咁我而家只可以答:如果講得出話算就真係算,咁我都好想話算;

入秋喇...應該係得返黑色同白色呱?!

隱形眼鏡

第一晚戴上隱形眼鏡的幾小時裡,
全程陷入清晰與朦朧之間,看不清但又看得到,
只能靠習慣去分辨馬路．巴士．人．紅綠燈,
平安地個了一個朦朧的晚上,
逞強的結果是回家後發現弄得雙眼通紅;

Happy Hallween

最鐘意呢個The Phamtom Of the Opera面具