出差半天遊遊遊遊...

我而家任職的公司,
其實是不用出差的,
絕大部分都只做澳門境內的採訪工作
除非是好大獲的事情(例如上次內地擔桿島地震,我家同事就搖咗來回六小時的"大飛"---著草走佬個隻船---十分慘)

但今日卻有一個出差機會,
雖然只是去珠海一日~
但離開了澳門的邊境,好好歹歹也算是出差;

今日去那個甚麼經濟交流會,
十分無聊,本來都預咗無乜特別嘢~
但尋晚見到新聞通知上有香港貿易發展局的人員與會,
諗住點都有啲嘢寫吓~
點知...!!!
去到會場發現該局竟然無派人員到場~0希...!!!
兼且今日成日係間會議酒店中心入邊行嚟行去,上上落落,
勁攰!!

其實出差最辛苦的地方是萬事都要隨機應變,
同係澳門的日常採訪不同,突發狀況也相對較多,
除咗今日就香港貿發局的事有啲失預算之外,一切都尚算順利;
而且同行大部分行家都是有心做嘢的人,而非麻麻煩煩的人,
加上負責接待傳媒的政府人員算十分盡責,
令一眾行家都算順利地完成工作;

但我見到亞妍好慘,因為佢係電視台記者,
大家好多嘢都睇佢頭做事,迫佢要做決定,
電視台的記者經常都是這樣無端受壓,
今日辛苦你喇~!
^^~

照片係頂樓會議室望落去的人造沙灘,
係我在不甚專心等候受訪者的時候十分專心影的
:p

"澳門傳媒靠唔住"?!?!

還記得去年五一遊行在三角花園出發,起行前當然仲未知道會發生大獲嘢(即係在已然成名的舊麗都戲院位置,遊行人士衝破警方防線,直闖沙梨頭乃至新馬路一帶),對比今年的開槍事件,當然是小巫見大巫了;

當時的我仍在葡文報工作,但身處三角花園的起步位置,已經有幾位街坊圍住我和身旁的幾位行家:"你哋寫嚟做乜吖?!寫咗你哋都唔會出0架啦~!"

可見坊間/市民對澳門傳媒的了解/不滿和不屑程度;
=============================================
尋日係機場送完高官機,
僅交待寥寥數句,便打發(無錯!絕對是打發記者的招數!)"五一涉干預新聞自由"之說;

回程時,細Ca問:"其實除咗新聞局今次呢單嘢之外,佢哋平時有無做出干預新聞自由之舉?"相信在各位業界同僚心目中,自有答案;

引用訊報某位行家的文章:
新聞局的角色應是服務和協助傳媒，而不是制造麻煩令傳媒難以獲得更全面的政府資訊。或者建議新聞局由高層開始接受專業培訓，到一些先進地區學習怎樣做一個稱職的新聞官？　

　　行政長官就「五．一」事件作出回應評論，這是十分重要的公共資訊，但新聞局可以有本事將應是好事搞得一塌糊塗，這真令人始料不及--連對最基本的傳媒公關工作都不曉得怎樣做，更使到已處於多事之秋的特區政府增多麻煩事，這樣質素的新聞官，你說怎麼辦？

========================================
另外,相信大家也應該有收看到香港的電視節目,好想同自己講一句:有啲嘢你唔講,人哋就幫你講;

極力推介:一石激起千層浪
===========================================
最後,也要推介一下太皮老兄的文章:
睜眼說大話

講真,網友你一言我一語話澳門的傳媒靠唔住,係唔好受;但咁又點?你有得反駁咩?

貼~!

其實係
.
.
.
.
.
.
.
V
V
V






商場店鋪可愛的DISPLAY之一


DISPLAY之二


DISPLAY之三


DISPLAY之四


餐廳New Product的芝士金箔芒果疏乎里(中間閃閃吓的是金箔喎~!)


再來Ivy抽多送給我的森林家族扭蛋~皇天不負有心人,ivy最終都抽齊一款四套,恭喜恭喜;


Anna Sui Dolly Girl系列最新以巴黎風概念設計的Bonjour L'Amour香水(紫色頭);

上次去台灣時係機場免稅店發現之後念念不忘,雖然本月財政緊拙,但搜撲多時終於見到澳門有得賣,仲點忍得住手唔買;

藍色為Dolly Girl系列另一產品的On the Beach;

屍體處理之高手出招---勁驚~!

教你一個專業在家中處理屍体的方法，讓大家一開眼界。
1.首先將屍体放在浴缸裡放血，在大動脈及心藏下刀，讓血液流出。因人体主要成份是水，放血後屍体的体積會縮細近半。
2.把大量熱水放出，讓在浴缸中的屍尤如被煮，在高温不停地煮後(2至3小時)，人的知肪會被高溫分解，骨與肉便會分離及整体骨骼會脫落，較易處理。
3.當骨肉分離及熟了後便可放去浴缸的水，屍身已經很細小，只餘下皮包骨。之後再用大量漒水及用作通渠的哥士的把屍身沉一段時間，讓藥水把肉分解成槳，便從水渠冲去。但骨卻不能分解，不過經處理後亦已十分脆，很輕易便可打碎，當垃圾拋出街也沒有人知。
4.最後要處理浴室及浴缸的痕跡，要用1比30的漂白水徹底清洗（抹血跡），而浴缸最好用1比20漂白水浸半天，加熱更佳。包無人check得到。

==================================================
大早起來上網,
嚇然發現有高人係我blog到留言教授如何處理屍體,
好似好專業咁,雖然唔知得唔得~但過程十分嚇人;
有咁周密的處理,證明都好處心積慮要殺人;

好啦~大家不妨當作一個知識性資料參考,
但希望大家唔會用得著;
===================================================
to屍體處理人,
雖然我平時已經唔敢得罪你,
但如果我無估錯你係邊個的話,
以後就更加唔敢頂撞,
以及緊記打死都唔去你屋企;

記者不是宣傳工具

他:喂~點呀,好耐無見喇~最近搞緊咩呢?
我:無呀,都係返吓工放吓假咁囉;
他;我打算年尾搞個show啊,而家準備工作正進行的如火如荼...
我:咁好啊~有時間一定會捧場;
他:唔係啦~其實想問你得唔得閒,我哋欠緊個人幫我哋影相喎!
我:um...因為我放假的時間都頗為不穩定,今個月唔知下個月事,不過有時間都可以幫你影嘅;
他:好啊~到時要幫手打俾你吖...Um....ar...其實呢...咁嘅...我知你而家做緊記者,不如你有時間幫我哋寫吓新聞稿,出吓報紙咁啦~
我:..........


前兩日有一個中學一齊玩話劇的師兄,
十九幾世無聯絡,但竟然係一個夜晚打俾我,
第一次無聽,send埋msg;
咁緊要?!好~覆你;
結果就出現了上述對話;

已經不是第一次發生呢種情況,
某些認識的人知道我做傳媒行業後,
為了達到他們所搞活動的宣傳目的,都暗地裡要求你幫佢出新聞稿;

非新聞工作者,好難一時三刻解釋"出新聞"並非寫和印那麼簡單純粹的事情,一直都覺得"新聞"是一件Product;需要一大群人的決定和努力,加上一連串工序才完成一個"產品",簡單來說,出唔出新聞唔係一個人可以決定嘅事;

對你來說,做唔做採訪/寫唔寫稿/寫咗稿有無出/出咗有無人睇/睇咗達唔達到宣傳效果才是你最關心的事;
但作為新聞工作者的我們最關心的只是你單嘢有無新聞價值;

記者是傳媒工作者的一份子,
是新聞產品的其中一個"原"素,
但卻永遠不是一個宣傳工具(雖然行內仍然有啲智障當自己係,並從中獲取利益,同時亦出賣自己的價值);

以我當年玩話劇的經驗,
就算不用上學/不用做兼職,
全天候廿四小時俾哂佢---都未必夠!!
我最高記錄試過朝九晚三(無錯...係凌晨三點);
真係命都俾埋佢;

那位師兄應該年屆三十了吧~
應該都有正當工作,
現時他仍有精力去玩話劇,
其實我都好佩服0架!

所以囉~幫你無問題嘅,
一場相識,有時間咪幫你囉,
但唔該唔好用一副"老奉"的態度咁會好啲囉~!

教壞細路之屍體處理

每個去台灣的人,
都少不免去誠品書店朝拜,
上月到台灣旅行的我當然也不例外,
結果大有所獲;

買回來的其中一本係講法醫/法證的書,
由一位經驗豐富的外國老法醫透過他處理的個案,簡單地解構法醫的工作,書中更大力著墨如何解剖屍體,以及如何辨識屍體等知識;

我因而對屍體產生了濃厚的興趣~

今日打算再到澳門的書店找找其他有關法醫/屍體的書時,
得出兩個結論:
1,澳門的書店好細,而且書類很少;書店都只訂購大眾化口味的書,因而縮窄了澳門讀者的選擇和喜好;
2,澳門買書好貴,同一本書會貴台灣百分之三十以上;唔知點解覺得係澳門買書有俾人搵笨的感覺(但都無辦法~)

所以今日都係空手而回;

講返本書,佢教識我:
原來處理屍體是一件十分麻煩的事情,
真正處理得宜都還好,一乾二淨~
一旦被人發現,並由警方接手查辦的話,就十分棘手,
因為從現時高科技的法謐技術,只要屍體留存一點點渣滓,
都有辦法查出點點的蛛絲馬跡;好~厲~害~
(不過在澳門又另當別論了~澳門...就是與別不同嘛~)

所以囉~本人奉勸各位,
如果很痛恨一個人,
隨便蓋他布袋然後打他一身出氣就算了,
仇恨再深一點,就再打斷他的手腳~

千萬千萬不要一時意氣把人殺了~
因為處理屍體是十分麻煩的事,
被人查出的刑罰也是十分重,
而且要查出真兇,也不是難事;

餘catsssssssssssssssss'

餘下的兩隻小貓~
雖然還不時在找尋已經去了天國的小貓~
但隨著時間的流逝,味道在家中慢慢散去,
好像已經在慢慢淡忘~
對她們來說,
應該也算是一種好事;

新聞暴力

近日香港中大的《中大學生報》涉討論亂倫、人獸交問題被社會嚴厲抨擊,學校/家長/社會紛紛對負責編採寫的十多名學生作出遣責,最終校報負責人在壓力下被迫道歉;

從新聞報道中,提到一個十分有力的字眼:"傳媒暴力"

================================================
《中大學生報》編委哭認有不足之處盼原諒
【23:56】2007年05月12日
【on.cc專訊】 「我承認真係有不足之處，請原諒我哋！」面對自己一手編寫的《中大學生報》極可能因討論亂倫、人獸交而觸犯刑法，編委李雅庄今晚終聲淚俱下向社會致歉，而事件中焦點人物《學生報》總編輯曾昭偉亦忍不住灑下男兒淚。不過，二人仍堅持刊登「情色版」的理念及宗旨並無錯誤。

《中大學生報》晚上7時在旺角西洋菜街行人專區舉行名為「言論空間的底線─多元與尊重」的論壇，吸引近300人出席，當中不乏大學教授，大部分到場人士均力撐《學生報》，一名自稱是去屆編委的家長力撐現屆編委，他說：「佢哋犧牲時間義務辦報，加上仲係學習階段，學校唔應該判學生報不雅。」

該名家長語畢，曾昭偉及李雅庄即時起身鞠躬向其致敬，曾昭偉感激家人體諒，邊哭邊說，「阿爸專程拎湯去中大畀我，屋企人仲問我洗唔洗幫我買衫。」「我希望大家可以畀學生報有討論平台。」不少出席論壇人士力撐學生，嶺南大學文化研究系教授陳順馨批評，學生在事件中猶如被傳媒、校方暴力對待，逐一被猛烈抨擊。

事實上，在今次「情色版」風波中，12名以大學一年級為主的編委會成員被外界狠批，飽受壓力。一班接任僅近半年的編委，原想擔當衝破道德禁區先鋒，試探社會底線，未預料惹來軒然大波。

12名編委中，6名來自國學大師錢穆創辦的新亞書院，新亞「艱險我奮進」精神，或為他們帶來勇氣。

(轉自東方網上新聞)
================================================

其實早在月前香港死因庭開審魔警徐步高一案時已經聯想,
香港傳媒(不論是電子媒體還是印刷媒體)每日都大篇幅報道審判的進度,部分報章更使用過激和渲染的字眼,繒形繒狀地描述事件/人物/故事等等等等;

我明白要迎合讀者的口味,就要以此作招徠,
然而,這一種卻也變相成為了"傳媒審判"或"新聞審判",
雖然法庭的最終判斷決不會受傳媒影響,
然而陪審團人員由市民組成,他們每天看到新聞報道,
難道真的不會受到影響嗎?

這就是所謂的新聞審判,
除去其他司法的判決外,
傳媒有時也擔當了另一個審判對錯的角色,
並且影響力甚大,
社會上每個人都有自己的看法和價值觀,
但相信一定有部分人潛移默化下受到傳媒製造的輿論影響;

有時我會諗,若非傳媒大力滲入和抄作徐步高一案,甚至向他冠以"魔警"一稱,死因庭的判決會否和現時的有所出入?

明白到有新聞價值的事件絕不會逃得過傳媒的"魔掌",
但為了搶新聞/搶讀者/搶銷量,大家也慢慢向事件的當事人使出了暴力~
而傳媒以傳播工具製造的暴力,比肉體上的暴力更傷害人;

To my dear FDS

唔記得幾耐之前,
有一個人同我講:"呢個世界好多嘢都唔可以做,做咗係唔0岩;例如好多人都唔係班馬線過馬路,擺明係唔0岩,但方便同達到目的,就唔會理做得0岩定錯"

呢翻說話到而家都仲好記得;

正如你哋近日經常問:咁樣做0岩唔0岩?其實係咪做錯咗,應該點樣做先正確;
如果做得0岩,做得正確和得到別人認同,
但大前題係你哋唔開心,
咁我諗唔到可以繼續落去的理由;

我不知道這樣說會不會很離經叛道,
但每個人都有義務令自己過得快樂,
從台灣寄回來的名信片只有寥寥數字,
但卻代表了我對你們未來的最深期望;

(題外話,我發現無論在我的家人/朋友/同事當中,都不乏離經反道之士,到底是我碰巧都遇上了這些人,定還是這個世紀的人都是這樣?總之...一人任性...可能人人有責;)

扭蛋迷

森林家族扭蛋一套四款,
可憐的ivy一下只扭咗六隻,
諗住點都會抽齊,
點之有四隻係相同~勁慘,
身為她的好朋友,當然有幸接收多出來的扭蛋~
呵呵~

我一直都得扭蛋的習慣和喜好,
只係用一個塑膠蛋包著一隻不知名的玩具,
扭蛋迷之所以迷下去,可能只是迷上碰運氣而已;

不過扭開ivy送的扭蛋之後,
發現十幾蚊嘢的玩具,
原來都做得十分精緻,
仲需要自己動動手,做吓手作仔,
成品又十分漂亮,難怪ivy同亞妍都迷上了扭蛋;

不過我唔會迷喇,
食物的果子玩具已成為一大負擔,
屋企又無位放,有一盒全套的和風手信果子因為無位擺而放在床邊的架上...好耐;

不過早前買咗呢套...
勁爆鐘意,勾起好多童年回憶;
.
.
.
.
.
.
.
.
.
.
.
v
v
v
v
v

最後一次

(圖片轉自BBC中文網)

頂~!!你有無病啊?
你當澳門人係咩?當傳媒同記者係咩?
當日大家都如你所願做哂臨記,
合共所有人做咗場好戲俾全世界睇,
(可惜百密一疏!!)

之後你又做了甚麼?
無錯事後係應該做埋啲"手尾",
但做得好肉酸,而且心急得令意圖昭然~
連茶餐廳的師奶都知道背後的詭詐;

請問你知道咩叫綁架民意嗎?
你知道甚麼叫白色恐怖嗎?
你知道甚麼叫不知所謂嗎?

不過要多謝今次五一事件,
令我最快地知道澳門到底有幾荒謬,
一國兩際係咪失敗我唔敢講,亦無資格講,
但至少證明到港澳地區的商人統治徹底令人失望;

閙完,係咁!!

最後一次為五一事件寫BLOG,
亦為連日的不忿/不平/不滿/不值和抑鬱畫上句號;

之後...再之後...

推薦閱讀:太皮的澳門「五．一」遊行淺見（三）

平鋪直述全面地道出事實,顯其功力,
分析透徹得令本地媒體狼狽至極~
並令人感到心痛~

然後，寂然說，遊行之後應該．．．之後
壞事可以變好事嗎?

開槍二/三事

(圖片轉自東方日報網上新聞)

開槍警員"抽水哥"而家一炮成名~
成為港澳地區的紅人;

今日蘋果日報專欄上,
被香港作家陶傑謔稱為"貌似跳水王子田亮兇悍版"的抽水哥,會讓人覺得好笑,但對於近日香港人就今次開槍事件都持著"一沉百踩"的幸災樂禍模樣,卻令人感到心酸~

誰對誰錯對我們傳媒來說只不過是一連串的工作,出街後就變成新聞,
雖然澳門人普遍對政治冷感,大家關心的只是一個暫時性的社會議題,少有認真思考事件背後為澳門帶來的影響;

不過呢~對知道真相越多,卻無能為力的時候,那種感覺仲無奈~
不知道反而仲好~因為容易淡忘~
唯有當遊行開槍,曾經成為澳門人的一個集體回憶;

嚴重失眠

近一星期內本人嚴重失眠,
原因不明;

明明已經累到"死狗"咁款返屋企,
但就總係不能安然入眠,
腦海中亦未有浮出特別的事件困擾情緒;

救命~~~~

後話

做得0岩唔0岩,
應唔應該咁做,
傳媒近日已鋪天蓋地做了大量回應和分析,
大家應該看夠了,而我們亦都做夠了,
答案自在人心中;

雖然情況好混亂,
但場面難得一見,
對當時不在現場採訪,
仍會覺得有點點遺憾;

對近兩日紛紛致電問候本人是否安好,擔心我會受傷的家人和朋友致以萬四分感激~(哈哈~雖然大部分都無時間聽;)


to 亞妍,
雖然遇到公司不平等對待,
但作為行家,只要睇到播出街的新聞,
條新聞有無心做,做得好唔好,
肯定睇得出,
睇到的不單只是新聞內容,
最重要是包含住工作的熱誠和態度;

你同事出錯新聞的頻率...
高到禁住不住令人嘆息~

to 亞冬,
好想笑...首次見到有人揹幸福小背囊做扒,
好可愛;
以後經過"案發現場"我都會諗起"幸福的做扒主播"而微笑;