尋晚因故俾人激親;
有個九唔孖八兼不知所謂的人竟然係我同屋企人食緊飯的時候打電話嚟質我~態度無禮兼語無論次,百分之二百唔明白點解咁樣IQ同EQ的人可以做到呢個位,超低能!
如果俾同事話,我會忍,
如果俾老闆罵,我都會死忍,
但做咁耐公司都未試過話我,
一個外人竟然打電話嚟罵叉我~
你有無病!!!
你又唔係我邊個~
勁嬲!
條氣頂住成晚;
或者脾氣越嚟越火爆又容易衝動唔係好事,
但至少唔會隨便就俾人"蝦"到,
而家啲人話出嚟行要靠惡,都唔係無道理;
之後仲膽敢搞我個fd,
最後都搞到自己無癮,
咁大個人,唔該用個腦諗吓知唔知自己做緊乜!
5 comments:
佢点衰法、講Dセ野咁衰，講黎聽吓，睇叔叔可誤可以幫你。仲有一樣野，好似我從未鬧過你。
善良不等於懦弱
叔叔,
一講就有把無名火起,所以唔再講喇;但情況就好似...隔離屋企個神經病患者走過嚟發癲咁,可以唔使理,最多搵機會打佢一身發洩就算;
印象中,你又真係好似無閙過我;但我想話你知,我唔係唔閙得唔話得,如果真係有道理的/我做錯咗的話,我一定會乖乖哋企係你面前俾你閙,俾你教;
chris,
所以我覺得自己係一隻善良的暴力熊(講真ga!)
唔會亂咁打人,但人哋打到嚟就肯定會還手囉~
嗯...善良不等於懦弱
唔出聲亦不等於好蝦!
比人踩到上心口唔出聲個個絕對唔會係你同我!
不過小心暗箭難防...小人最鐘意係暗處做好多鬼崇野!
Sandy,
以我評估,個種小人唔會對我做啲咩,最多都係散播一啲流言中傷吓咁~未驚過!!
不過隻小人係你身邊,要防暗箭的應該係你;
Post a Comment