Wednesday, June 13, 2007

Their own Wedding



上星期參加了表哥(即是我爸爸的姐姐-我姑媽-的兒子)的婚宴,
甫抵步,同檯的親朋戚友已經開始在談論婚宴如何如何寒酸,安排怎麼樣,新人又怎麼了,總之就是不符合一個佢哋認為"好好睇睇"的宴會;

以我這一代人回顧這一個家族(因為人數和組織龐大,兼且支親族甚多,用家族形容實不為過),得罪啲講句,大部分親戚都係典型的"憎人富貴厭人貧",看別人看別人的事情總是先看到壞的一面;我都頗為擔心這種特徵有家族遺傳,好怕我老咗之後都會係咁;

講返新人,
雖然話我表哥係住我樓上,
但這位新上任的小表嫂都係第一次見;
由於她並非本地人,
加上當晚在場的都是男家的親戚朋友,
令她整晚臉上都掛著怯怯的笑容,
並且表現得有點不知所措;

而我表哥更是有點坐立不安地忙於招呼來賓,生怕待慢了人家,結果卻冷落了新娘;當時我真係好想同佢講:不如好好照顧自己老婆先,咁嘅場面人哋係唔會怪責你的待慢;

不過兩人偶爾有機會碰在一起的時候,
會看到新娘子放鬆和信賴的笑容,
以及我表哥不自覺得安撫行為,
會令人感覺到兩人之間的幸福;

所以呢...有啲嘢話一世人一次要搞得好好睇睇,
但使乜搞俾人哋睇~
最緊要你哋自己覺得好睇咪得囉!
記得嗎?!啲人最鐘意"憎人富貴厭人貧",
搞到幾好睇都會有人覺得唔滿意;

這是我表妹的女兒(即是我爸爸的妹妹的女兒的女兒),差不多兩歲了,年紀小小但笑容很甜(雖然影唔到佢笑的一刻),原來我已"榮升"成為別人亞姨的輩份;

6 comments:

Anonymous said...

我都好怕去到d婚禮...見到去飲個d人
根本都唔係真心黎飲...只會指指點點
話哂都係喜事一件...點解唔可以寬容d
一齊去感受下一對新人的喜悅呢

Anonymous said...

點解張圖個日期.........=3="..

Janet said...

SANDY,
因為中國人都見不得別人好,但又唾罵別人的差,唉...

cynthia,
隨便係網上面"借用"的~

Unknown said...

所以上年有兩個人點都唔肯擺酒,圍內食餐自助餐咪算囉,大家開心,又唔駛等齊人兼餓親人 :D

Janet said...

傻兄,
所以我都好欣賞你們的決定,縱然係有啲家人唔高興,但最重要係你哋兩個自己有共識je~

Anonymous said...

其實上一輩人有他們的想法, 年青的一代就只有尊重他們啦.
結婚最重要係愛,相愛有什麼都可以解決啦!