Wednesday, July 11, 2007

十分愛=十分謊言



亞寶不相信愛情,但勁重友誼,
結果兩位好朋友卻因為愛情而出賣/背叛她,
好諷刺,但真實;

導演帶出的信訊:愛情只是一個充滿謊言的遊戲,
正如亞寶所說,一旦有人認真起來,就覺得個遊戲開始唔好玩,
愛情本身就是一個謊言;


原以為從最糟糕的起點出發,
再差的,也不過是這樣;

然而早前有勞工團體要求新勞工法將欠薪刑事化,
理據係---欠薪無分惡意定善意,
當時有人說:未見過有欠薪是善意的;

那麼...到底是哪個混蛋創造"善意的謊言"一詞??

6 comments:

Anonymous said...

是非曲直有時都係睇人點講,
自己永遠都有把尺係身ge~~~

套戲我都有睇呵^^
同上一集一樣,
導演在結局上表露了一些人性的醜惡,
或者真的是這個年代現實寫照吧。

不過中間也可以找到可貴的地方,
小武那一段應該有人覺得他太傻了,
不過偏偏現實又可能真的有那麼一個人。

所以愛情裡面可以存在最大的謊言,
又擁有最真誠的付出。

Anonymous said...

真亦假時假亦真

有時我地會諗人與人之間點解唔可以坦承相對,咩都要呃呃下,只要你覺得重要ge人呃左你,就會感覺受傷害

但有時面對殘酷的現實...我地又會問"點解你連講一個善意的謊言氹下我都唔得?"

真係好矛盾!
不過我相信有d人可以將呃同唔呃取得一個好好的平衡點...可惜我太蠢...做唔到...

小管家 said...

同第一集相比,第二集真係講中好多野.
正如阿寶入面哥句:"你睇到既野呢又未必係真,真既野呢又未必睇到wor."
有時人對感情就係咁,滿口謊言但係樂於接受,明知自己唔鍾意但係偏偏盲目咁相信.
愛情真係一個好難玩既Game...

Janet said...

ivy,
可能我真係唔信愛情/唔信愛情存在忠誠,所以小武那一段,我真係無乜共嗚~

sandy,
我相信你最終都會選擇事實,而不善欺瞞的坦率亦是你性格中最突出,又最可愛的地方;

小管家,
係難玩,但你唔玩,仲有大把人爭住去玩;不過你唔使咁大壓力,順其自然應該會令你倆舒服啲~

你是男仔,你有責任要帶起個遊戲啦~~俾心機~!
^^

Anonymous said...

哈...我不善欺瞞咩...可能你已被我呃左
呵呵呵~~~

不過我覺得第一集鄧麗欣好似做得好d
d戲自然d

Janet said...

Sandy,
鄧麗欣第一集的角色無咁難做,
今集難做好多...係浮誇,但做得好自然~~

我覺得佢閙森美個幾段戲閙得好好睇~