失常

失常 --官恩娜

如果愛你　注定只可縱壞你
談情若需要去受氣　受到竟當做了趣味
何必怪你　喜愛收集眼淚不妨儲起
如流淚可以震撼你　樂意哭到令你歡喜

為你浪漫地守在懸崖　
資格用自尊換取不算壞　
准我垂頭繼續叩拜　
若你喜歡請你再踩　
盡情去表演即管欣賞　
即使不懂欣賞　不必擔心我自虐　
若然自愛也太過正常　
但你不愛正常　我願繼續失常　
原諒我不太會自量　沉迷戀愛怎去衡量　
全情地為一人　其實愛像信仰

-----------------------------------------------------------
如果有一樣事物可以令人徹底放下自尊去換取，
有時也是一種福氣；

友情．親情．愛情
工作．事業．金錢
賭錢．打機．嫖妓．玩具
滿足感．虛榮心．．．．．．．．

各自對號入座；

要不要豁出去

蔣雅文<<雪割花>>－首歌同我啲相好夾啊！

踏入高危的地區，瞄到高危的群人，
但預警機能忽然失靈；

走著走著，聊著聊著，
心跳無故加速，警報自動素描可能的目標，
身體上突如其來的敏銳，讓我篤定得眼角瞄到卻不敢抬起目光，
既然不肯定，可以當係可以當唔係，
幾時都話，睇唔到當唔知；

豁出去的勇氣，我有；
但豁出去的成效，一個人無決定權，
真正地豁出去的，要兩個人．三個人．四個人或更多的人才可以達到一定的效果吧！
那一個人到底還要不要豁出去？

Fast food ; No choise ?!

曾經有一陣子很討厭食快餐，連看到都有點想吐的感覺，
杯麵．M記．KFC．Pizza Hut．．．現在還好啦～
昨晚本來訂了去食Buffet，後來肚子實在太餓了，唯有轉移陣地食Pizza，
想不到原來澳門的外來連鎖餐店都已經好有包裝，包括裝潢．氣氛．服務及食物的賣相，
雖然覺得價錢偏貴，但應該算係返度呱～！

小生活

慘了...
我發覺臉上皮膚有愈來愈差的趨勢，是廿多年來不曾見過的差，令我開始相信並不單純只是護理不當的問題；上星期出去做採訪時，有個美容店老闆話我可能臉上微絲血管敏感，真係要搵日搵醫生傾吓計先得～

除咗皮膚問題之外，我都發現開始自己有點發胖的傾向．．．真係．．．屋漏偏逢連夜雨！

今日睇報紙，原來香港海洋公園水母館那些生命周期已屆歲暮的水母，會安排成為新生水母的"牛排大餐"（受訪的館長是這樣形容的，好可憐！）

雖然我不喜歡玩機動遊戲，所以對海洋公園同迪士尼都沒有興趣，不過我卻好想去萬聖節的海洋公園啊！好想去鬼屋玩！早前有新聞話那些扮鬼的演員遭到受驚嚇的客人拍打和粗口"回禮"，放心，俾著我一定唔會咁做，可能最多搶走佢哋啲假手或者血淋淋的假面具，我不會對他們做出攻擊性的行為啊！所以可以放心俾我入去；

今個中秋節好想BBQ，我屋企樓梯在區內算高，加上大廈周圍的大廈都係得四五層高，連埋天台，所以中秋節的前後幾天，只要向窗外向下望都會看到有天台在BBQ，好想燒啊，我不是要食，我是要燒啊！

嘉利大廈

九六年十一月，香港嘉利大廈發生五級大火，造成卅九人死亡，八十人受傷，事件被形容為"半世紀最慘火災"，其中有部份屍體被燒至灰燼，無法辨認；最為人震撼的一幕，是一名被困的死者伏在窗邊求救，結果被背後大火吞噬，在場圍觀者和後來有觀看電視的人，就眼睜睜看著這"火人"在窗邊被燒死;

今天從網上找回有關新聞的圖片，看到現場真是火光熊熊，非常嚇人；
但．．．最嚇人的是，昨晚的睡夢中，我竟然親身到了現場，站在嘉利大廈樓下，目擊整個火災發生的過程，甚至是"火人"被燒死的一幕，還看到周圍有很多人在圍觀以及消防員進進出出的情況；

我沒有感到害怕，卻感到極端的無辜，我同成件事都無關係，但無啦啦發這個夢真的令人感到好困擾，結果昨晚沒有睡好，朝早的精神頗不佳；

嗯．．．其實夢境還有後續，就是我的手機原來在留嘉利大廈裡，因為火災取不回來，結果下半集去了買新手機．．．（= = '）

不管怎樣，希望嘉利大廈的無辜亡魂都得到安息！

推薦閱讀

以下兩篇文章,是澳門新聞界的行家寫的,從太皮那裡搬過來,推薦閱讀一下,可能大家會對行內的情況略有了解,不過有些部分的並不完全認同,不求回報(薪水除外啦~)做好自己那才是做記者的真正氣志;

可敬可嘆可憐的澳門記者

公權濫用成習慣公車私用視等閒　特區官員享特權福利尤勝澳葡

係啊做打工仔,那又如何?

我們這一代的人,一出生就已經被安排要念書,三歲入幼稚園,六歲上小學,12歲念中學,然後18歲中學畢業,要不要念大學就由自己決定;當大家都決定要上大學時,讀完大學似乎才是完整地完成基本的讀書生涯,要不要繼續讀碩士...再讀博士,真係好睇自己;結果,我們這一代的人,一出生至二十多歲的首段生命期,就全部花光在讀書上,念到xx畢業,成為了我們廿多年的生存目標;

早兩年前,因為經常都會到香港,常常會看到地鐵裡有倦極而睡的人,那時會想:佢哋咁辛苦,每天早上匆匆出門,工作,帶著疲憊的身驅回家,第二天重覆著同樣的步驟,到底為了甚麼呢?他們除了工作,還有沒有甚麼目標,他們追求的是甚麼?不斷工作就是為了每天的生活,然後再工作嗎?如果真的是這樣,那生存著似乎已經失去意義;

大學畢業後,開始工作似乎是必然的選擇,現在的我,成了徹底的打工仔,
那我們工作的意思是甚麼呢?那我有甚麼目標呢?
Chris每天上班都要面對十四隻像蟑螂一樣的幼稚園學生,一群不會放過任何機會亂竄的小朋友;
Ivy同Grace每日都要處理櫃筒裡滿到瀉的文件;
Carrie要對住永利旅遊巴上的無理旅客;
Angus要應付無論任何事都會去CTM找碴的客戶;

我們的工作總會遇到各種難纏的問題,
可是當自己成為了打工仔一員後,先發覺原來打工都可以有好多種態度:
我們都會在工作上找到滿足感,得到肯定,
我們會認識到很多新朋友,見識和接觸到不同的人,
遇到不同的麻煩,然後學會解決,
當然我們更會收到薪水,除去必要要支出的項目例如是還貸學金和家用後,
我們可以買自己喜歡的東西,可以儲錢去旅行,或者去繼續進修,
甚至是簡單地吃一頓美味的晚餐,已經是好開心的事;

所以做打工仔那又如何呢?
不一定是無可奈何之下必須要生活而工作,
不一定是無法/無意創業後的唯一選擇,
當打工仔的我們,每一次使用勞力和腦力時,已經是一種創造,
所以做打工仔其實都可以好有收獲~

運動場上

今天有事到氹仔運動場一趟,見到葡語運的運動員都好努力在場上比賽,
有為數不少的觀眾在看台坐著,當然有部分是穿著校服的做枚觀眾,
亦有大批工作人員在場上走來走去,情況比想像中熱閙~
雖然擺到明係倒水的政治show,但去到現場都感受到那種氣氛,
好似中學時期的校運會;

中學六年的校運會我都有參加賽事,
中一那年,好似因為班上無人報名跑中長跑,
於是自己傻更更走咗去報,一跑就跑咗六年,
不要少看我喔,我可是有拿獎牌的~(一v一)+
嘿嘿...想不到吧~我竟然是跑中場跑的~

其實跑步是一種很寂寞的運動,
當時跑的是400,800,1500米的賽事,
短短的幾分鐘內,你只可以一個人默默地努力向前跑,
沒有人伴在你身旁,看到前面有人,唯一要做的事就是要超越她,
那數分鐘時間裡,原來腦海中可以閃過很多念頭,
不知道平時有跑開步的人,享受的是否就是這幾分鐘呢~

每次我跑比賽的時候,一定會浮現一個念頭:就是下次不會再參加喇,太辛苦了~
可能因為大多數時候都拿到獎勵(當時前六名都有獎),而且班上面又少人參加中長跑的比賽,而且為期三天的校運會都坐著其實好無聊,而且跑起上嚟都唔係太辛苦...結果每年都有參加了;

不過自從中學畢業之後至今,已經無做過運動了,
數一數真係有四年時間,很可能找天在松山跑一圈後會昏倒也說不定;

新玩具

至於我山長水遠走去氹仔運動場做咩呢~
嘿嘿...就是為了葡語運的吉祥狗狗---來奧,
好娘的名字,為何他不索性叫"來福"或者"帶旺"甚麼的,
要娘就來一個徹底吧!真是的~
不過人家也是很時髦的有個英文名字,就是Leo~
= =///

其實他都好可愛,仲著埋皮鞋,幾型!
那東亞運的柏柏,同埋小熊就有新朋友了~

好可惜天氣仲好熱,頸巾小熊只好再忍耐多一段日子;

另外,我有新玩具...嘿嘿...(其實說得有點心虛)





進入玩具店之時,一直口唸唸"買玩具是無底深淵,千萬不是沉淪下去",結果離開之時,手上就多了這兩副玩具,而且仲有好多個collection在玩具店門口跟我揮手(一v一'')還好家裡沒有位置放,估計買嚟過吓癮之後應該會收手,玩具店真是個罪惡之城!!

美味的一頓

這一餐,除咗食得好有驚喜之外,更進一步體驗到現時的大陸(中國內地)實是一個非常龐大的市場,價廉物美加上人民生活富裕,市場的買賣需求,就是這樣吧~

應該記得

每個行業都有自己的特性,
而做新聞就好講速度,時效性,
突然好為自己今晚給別人的一個答案感到耿耿於懷,
自己又唔係第一日做記者,
經已被人一提再提,但好似總會忘記這重要的原則,
機會人哋俾,都好靠自己爭取,
但我今晚竟然口快快給予別人一個無經大腦的答案;
XD,抵打~!

男女這課題

我家附近的建設局,漂亮嗎?
以前婆仔屋仲係藝術空間時都係咁上下feel,
可惜而家翻新咗完全唔係個回事,
但估唔到呢幾座類似危樓的物體仲有人住;
----------------------------------------------

近幾個月,男男女女之間的各種問題各種情況都盡在我身邊出現,
根據我平時係公司聽到公司男同事的閒聊,
發覺原來男人對女人的既定印象都頗片面,
例如話佢哋會覺得女人...鐘意買名牌產品,而且指定要男友送,
覺得女人會乜都管住哂,
結婚之後唔俾老公買心頭好,並視之為亂使錢的行徑,
會覺得女友無啦啦會當眾發火等等,
總之覺得女人好麻煩啦~

女人麻煩,其實總有一點,
但我相信麻煩的男人,比起麻煩的女人麻煩程度絕對嚴重十倍,
雖然話感情事唔可以用輸贏去衡量,
但我開始認同fan所講,男女交往其實是一場相互的角力;
男女之間的課題,似乎比想像中還要複雜,
愈去了解愈去經歷就愈明白它的複雜性,
要幾複雜就有幾複雜;

然後...近幾月得出的小結論係,無論幾好幾乖結咗婚未結婚拍咗一年拖定十年拖嘅男人,都會去偷食!不管係打算偷食定還是偷食常客,關鍵在於是否醒目地不讓女友或者老婆察覺;(不要急於否認,各位男士問心個句呀!)偷食呢個行為唔可以單純用對與錯去評論,所以後續問題係:如果偷食完都係返返屋企嘅男人,算唔算係好男人呢?

問得出呢種問題,證明我都仲係將男女的問題想得太簡單~

影影影...你影夠未?

喵~喵~
要訓覺喇~
影咩相,你邊本雜誌ga?!?!?!
咩事發生咩事？走啦~無米派～
無可奉告，有咩咁好影?!
喂...你話吓佢啦...咦,你訓喇?(都無你哋咁好氣!)
你再影我就對你唔客氣,信唔信我報警?!
出到露台仲要影,夠未呀?
曬太陽,都費鬼事睬你~

NO SUBJECT

燒秋都魚


落寞的背影
還好背後有同類支持
alt="" />撕書的人,老闆已經好生氣了!!知道嗎!!

令人想瘋掉的月餅

中秋節在我家總是有種令人想瘋掉的感覺,
中秋節正日尚有幾天才到,
但我家已經收到至少十盒月餅,是蓮蓉的那種,
即係至現時為止,已經有四十個月餅被送到我家,相信係未來幾日會陸續有來,好恐怖!!!
屋企只有老豆會食月餅,其他人食少少已經牙痛咁聲,
我今年已經食咗四分之一個,算好俾面...因為我都有份攞返屋企,
己經叫咗亞媽請其他人食,因為真係唔想老豆食咁多,好唔健康呀!

結果亞媽話唔知送俾邊個...然後佢竟然問我:一係你有無世伯伯母要送呢?
世伯伯母...送月餅...(一,一)"
嘿嘿...邊位同胞的爸爸媽媽有興趣食月餅,可以打個電話俾我...
我一定親自攞上去俾世伯伯母...嘿嘿...

其實送月餅真係一件無益的事,又貴又重又唔健康又唔一定多人鐘意食,
但年年的月餅總是滿場飛的被人送來送去,
不如叫民署衛生局同埋經濟局宣傳吓,橫豎錢都要使,下年開始將月餅折現大家會唔會開心啲呢?

被湮沒的寧靜美

凌晨四時的街道好靜,現出澳門本來的簡單美,腦子有點昏昏沉,腳步也累得有點浮浮的,但仍能本能地拍下原來一直都裝潢得很美但沉默的街燈;


睡前最後的一句說話:討厭答案後那種迫不得以的清醒;