我家附近的建設局,漂亮嗎?
以前婆仔屋仲係藝術空間時都係咁上下feel,
可惜而家翻新咗完全唔係個回事,
但估唔到呢幾座類似危樓的物體仲有人住;
----------------------------------------------
近幾個月,男男女女之間的各種問題各種情況都盡在我身邊出現,
根據我平時係公司聽到公司男同事的閒聊,
發覺原來男人對女人的既定印象都頗片面,
例如話佢哋會覺得女人...鐘意買名牌產品,而且指定要男友送,
覺得女人會乜都管住哂,
結婚之後唔俾老公買心頭好,並視之為亂使錢的行徑,
會覺得女友無啦啦會當眾發火等等,
總之覺得女人好麻煩啦~
女人麻煩,其實總有一點,
但我相信麻煩的男人,比起麻煩的女人麻煩程度絕對嚴重十倍,
雖然話感情事唔可以用輸贏去衡量,
但我開始認同fan所講,男女交往其實是一場相互的角力;
男女之間的課題,似乎比想像中還要複雜,
愈去了解愈去經歷就愈明白它的複雜性,
要幾複雜就有幾複雜;
然後...近幾月得出的小結論係,無論幾好幾乖結咗婚未結婚拍咗一年拖定十年拖嘅男人,都會去偷食!不管係打算偷食定還是偷食常客,關鍵在於是否醒目地不讓女友或者老婆察覺;(不要急於否認,各位男士問心個句呀!)偷食呢個行為唔可以單純用對與錯去評論,所以後續問題係:如果偷食完都係返返屋企嘅男人,算唔算係好男人呢?
問得出呢種問題,證明我都仲係將男女的問題想得太簡單~
3 comments:
你問得出哩個問題,即係你已經諗到某種層次,真正諗得簡單GE人,應該係可以肯定答你"係"同"唔係"GE人...
係咪好男人,真係要視乎大家企係邊個角度去諗.偷食有兩種,一種係心理上,而另一種係身理上.偷食男能夠有自控能力返屋企,表示佢仲係一個肯對家庭負責任的男人,偷食之餘又努力維繫家庭,此男實在不可多得......但,若然偷食男只為填補身理上的空虛而偷食,完事後逃之夭夭返屋企的話,就是賤男的表現.所以,偷食完會返屋企的男人,我唔會用“好”或者“唔好”來回答,而係用有無“本事”和“能耐”來形容會比較好.
根據觀察,現時澳門有不少已婚及有女朋友的男人都會聲稱自己未婚無拖拍,數目之多比街頭的祈福黨和保藥黨還要多,所以各位姊妹要識得好好保護自己.若有姊妹不幸已中招的話,就要深知“食得咸魚抵得渴”的道理,好好愛惜自己.
佢呃你你最多嬲佢,但好快會抽身;
早早咁話你知有老婆有女友個種先死得人多~!
Post a Comment