說得太多，做得太慢

特首宣佈公務員加薪7.27%，
即攞緊20,000蚊人工的將會加升至21,400蚊，
對比香港認為明年加薪5%的標準，
澳門加到超過百分之七，應該都好開心啦！
不過呢個係不是公務員的我的想法；

睇返不少公務員朋友的反應，
摒除仲要等草擬法案/過立法會等長期工作，
大家加了人工似乎都唔係幾開心；

覺得加唔夠自然不在少數，
反而部分人對特區政府這個"老闆"的埋怨更惹人深思，
似乎公務員士氣低落情況頗為嚴重，
已非僅僅老闆話"派錢"就能了事，
Why？

近年特區政府的管治威信倘以"蕩然無全"形容亦不太過份，
不知該說澳門人的政治質素提高了，
還是說澳門人太貪心；

總之，政府的所有動作，
似乎都不能再令市民認同，更遑論感到滿意，
信任度每況愈下；

好似我都成日以小人之心，
用陰謀論思考政府的所以行為，
真的．．．

回歸正傳，
我估，作為特區政府公務員的一部分，
整個團隊得不到市民認同，認受性偏低的情況下，
工作無滿足感，
對自己老闆又唔滿意，
加人工都彌補唔到上述不足的感覺；

如果係咁．．．我明！
近月來的採訪工作充分體現了各間傳媒的實力比拚，
自己做到不好，唯有再努力，
但如果關乎公司報道取向令新聞做得不好，
只能嘆一句"各為其主"；