左邊是因為要揹重野,右邊大概因為椅子跟電腦台距離不對;
皮膚很差,而且是愈來愈差,
應該同澳門的空氣有關;
朋友從英國回來,
先後買了兩支Boots做手信,
白痴的我竟然胡亂把之前送的那支lotion當做hand cream咁用...
無野...貼吓相:
最憎D貓仔咁可愛~:p
呢樣快門用咗4秒,手震到暈低,但咁先影到尋晚的煙霞
呢張...好似2秒,下面的"光線"係路過的車...不過...
不過...最鐘意都係呢張
--------------------------------------------------------
今日同一個英國回來的朋友食飯,
無意間講到另一位跟我吵翻了的朋友(不知道還算不算朋友~)
其實沒有"吵翻"這個動作,
當我一坐下後,點了野飲同埋野食,
之後開始講一件事...之後...我被人"一輪嘴"罵咗最少十五分鐘,
完全不給我機會說話以及解釋,
其實沒甚麼好解釋,件事根本就唔關佢事,
我理解佢對事件的關心和緊張...但!!!
關心唔代表可以唔尊重,是嗎?
結果過了那被動的十五分鐘後,
佢見已經放棄爭辯的我面色愈來愈黑,終於住嘴,但係都要加多句:"算喇~唔講喇!"
然後...野飲同野食來了,
我一直唔出聲,已經盡量深呼吸,忍住...
但大約三十秒之後,終於真係忍唔住,(我應該算好脾氣~忍足三十秒~換轉其他人應該早就拍檯走咗人~)
於是丟下錢,粒聲唔出就走咗,
至今再沒有見過這個人了;
老實說,事隔半年,乜氣都消哂,
但我諗我一直等待的,可能係一句誠懇的對不起吧~!
事後我會諗,既然所有事情都有期限的話,
相信做朋友的緣份都會有,
這位朋友的出現,帶給了我一些應該要有的東西,
同樣我的出現也一定有為這個朋友帶點甚麼吧,
然後,當大家都取得對方注定要給予對方的東西後,
我們做朋友的緣份也就這樣完結了,是嗎?
雖然不知道這樣想會不會是自己安慰自己,
但這樣想的話,就不會太執著了,
對某些事情我已經夠執著,我應該學習對自己好一點,學習放低,學習放過自己;
No comments:
Post a Comment