慘了...
我發覺臉上皮膚有愈來愈差的趨勢，是廿多年來不曾見過的差，令我開始相信並不單純只是護理不當的問題；上星期出去做採訪時，有個美容店老闆話我可能臉上微絲血管敏感，真係要搵日搵醫生傾吓計先得～
除咗皮膚問題之外，我都發現開始自己有點發胖的傾向．．．真係．．．屋漏偏逢連夜雨！
今日睇報紙，原來香港海洋公園水母館那些生命周期已屆歲暮的水母，會安排成為新生水母的"牛排大餐"（受訪的館長是這樣形容的，好可憐！）
雖然我不喜歡玩機動遊戲，所以對海洋公園同迪士尼都沒有興趣，不過我卻好想去萬聖節的海洋公園啊！好想去鬼屋玩！早前有新聞話那些扮鬼的演員遭到受驚嚇的客人拍打和粗口"回禮"，放心，俾著我一定唔會咁做，可能最多搶走佢哋啲假手或者血淋淋的假面具，我不會對他們做出攻擊性的行為啊！所以可以放心俾我入去；
今個中秋節好想BBQ，我屋企樓梯在區內算高，加上大廈周圍的大廈都係得四五層高，連埋天台，所以中秋節的前後幾天，只要向窗外向下望都會看到有天台在BBQ，好想燒啊，我不是要食，我是要燒啊！
19 comments:
如果是入去鬼屋淨搗亂的話，可以預埋我^^
相信都破壞力驚人...諗起都high!!!
我都好想啊,
如果我哋四個一齊入去,
分分鐘鬼都驚咗我哋!
呵呵...好期待~
我同阿蓮的尖叫聲應該會嚇死人!
我都好想組織一次bbq
有天台人士可以提供地方嗎?
我都好想BBQ,
但地點確實係一個問題...
好提議呵!!!
呢排公司好多小人，
一次過放哂佢落去燒!!!!
對付小人,
應該去鵝頸橋打小人~!!
有人說可以提供天台燒烤...但我們要有手尾..燒完要幫佢手執屋
個位人兄就係阿蓮以及文娟的街坊
幫佢執返個天台咪算囉...
點解仲要執埋屋呢?
>.<"
鵝頸橋打小人好似唔係咁得
我好同意拎晒佢0地去燒
同你表姐仲有兩個朋友去o左哈囉喂, 結果係不停排隊再排隊繼續排隊, 入到去o的鬼屋都唔得人驚, 加上不停排隊, 所以只係入o左兩個, 連食麥當當都要排餐懵, 不過我地係中秋節後果晚去, 排成咁都唔出奇o既, 不過真係排多過玩囉. 不過, 都有去到海洋館同水母館.
瑩,
拎佢哋去燒應該要去焚化爐先容納得哂,
聽說你公司小人都好多吓~!
傻兄,
搵正全香港人都放假的日子去,相信你們都有點失算;至於鬼屋唔得人驚...d鬼嚇咗成人,
鬼都攰啦~!!
不過我都想去睇水母啊!!
唔洗執屋...總之我地收拾好殘局咪走得lo
haha~~~
不過要夾時間係最難的
O靚,我吃過你推介的米線了,好似幾唔錯,比上次吃好食了一點,過橋米線幾十蚊太拿利,不如你試過話好食再叫我食。
太皮,
基本上個間野的食物都幾有水準,
所以樣樣都可以試吓~
最多貴個d唔食囉~
找天同你共進午膳啦，橫掂未同你吃過野
都好呀~
反正係我公司附近!
我講下架咋
我都係~
嘻嘻...
其實我是認真的。
Post a Comment