白痴的奇遇

今日做嘢時有個奇遇,
話說高官請食飯,一排記者站在主家席等候嘉賓出場時,
站在較右手側的我旁邊,一直有班古怪的人走來走去之餘,
仲不時衝前主家席,並坐在高官的位置上,
一直舉起勝利的手勢互相拍照,
一眾記者,攝影師以及一旁的新聞官就是這個表情------>(一,一'''''')
最後那班古怪的人當然被趕離主家席附近;

兩分鐘之後,其中一個古怪的人鬼鬼祟祟走過來我旁邊,
係一個普通話人,以下對話請自動調較"麗音",咁幻想當時情景時會傳神少少:
佢:你是哪家電視台的?
我(普通話):我是報紙的(有禮貌地)
佢:嘉賓是不是在那一邊出來(手指右手邊)
我(普通話):應該是吧!
佢(突然壓低聲音,鬼祟地說):你可以用你的照相機,跟我和嘉賓拍張照嗎?
我(呆了一呆):我不明白你的意思?!可以再說一次嗎?

後來他再說一次,以我的理解,是當嘉賓出來時,他會衝過去,然後要我幫佢影一張相,最霹靂的是他最後說的一句:你幫我拍照,我給你一點小意思吧!!可以嗎?
(當時搞清楚自己沒有聽錯後,有點呆了,今時今日仲有人用呢招嗎?但幸好仲識反應)
我(普通話):不可以!!(斬釘截鐵地)
他:為什麼?
我今次用返廣東話:我唔做呢D嘢!
之後再無理呢個低能兒,惟當時好想做呢個動作
...
...
...
...
...
...
...
...
...
凸一,一凸
雖然好粗,但絕對能表達我當時的感覺;

佢心口掛住個name tap,人哋知佢來自邊度,
失禮自己唔緊要,唔好失禮埋其他同伴,
在澳門做這種事,會不會太丟臉?

當然我知道這僅是兩地文化的差異,
內地記者收錢辦事是公開的秘密,
但呢度係澳門,我係澳門記者;