2006年心情回顧

踏入2006年12月31日,意味住新聞台成立一週年,
開台的一年前,之所以將台名改做"大眾喉舌"是因為剛入行,
完全是因為有一腔做記者的熱誠,雖然而家都有,
但事過一年,在澳門新聞行業經歷過不同的事後,
感覺自己有點愧對"大眾喉舌"之名,
但我知道我的自由度己經比好多人大好多,
所以要好好努力,堅持自己最初入行的諗法;

另外,聽說亞妍要轉工,雖然不知道是轉工定轉行,
但感覺你不太喜歡做印刷媒體,估計你的"轉工"應該係指轉行,
雖然覺得好可惜,但祝你在新一年有好的出路;

2006年,是本小姐大學畢業正式踏入社會工作的大年,
有時諗諗吓,唔知點樣走吓堂,將啲功課逼埋最後幾日先做,測驗考試又前一晚先溫習,傻吓傻吓又話四年又大學畢業了,唯有老套講一句:快樂不知時日過~
同學們都各散東西了,有人要搞同學聚會,如果可以我也會盡量出席,但如果要我搞,實在沒有這個心和時間了,有時人和人之間的緣份,就是這樣吧?

然後...年中離開舊公司葡文報...玩樂一番回澳...又很快受聘於現在的公司,令我覺得自己幸運的不是這樣快就找到新工作,而是新公司上上下下的同仁都好好,且非止於一般的友善層次,所以做咗幾個月以來一直都覺得好愉快,在此祝願公司各位同仁在新一年工作順利;

再然後...今年實是感情不順(用不濟更符合事實一點)的一年,
一個胡里胡塗重遇的陌生人,
令我經歷了"非常深刻"的一年,
或者唔係最唔開心,
但肯定係有生以來最痛,最傷心的一年,
令我知道原來自己都有嚎哭的本事(之前從來都不知道~算不算發掘到新潛能??)
令我知道原來自己可以有幾固執,然後了解到呢種固執最終害了自己,
令我知道原來自己仲未有徹底豁出去的勇氣,美其名為不想傷害別人,但事實是更害怕傷害自己;

2006年12月31日,我可以同所有人講:我已經放低!
但要我再次面對件事,我諗我會唔想,
唔想再一次係相同的人面前暴露手足無措的失態~
或者你哋會覺得係懦弱,而我願意相信那是真正放下的灑脫吧~
你們都會相信我~是嗎?

至於...2007年:大家都先後許下新年願望,
我沒有特別想要的新年願望,所以還是隨心率性一點好了,
我答應過自己,做不到的事不可以亂答應自己做到的;

不過很想對好朋友甲乙說,
"甚麼?!妳們要戒酒?!不要說笑了~!!"
(哈哈...係咪好衰呢~朋決甲乙自行對號入座喇~)

話說回來,點解題目名叫做"心情回顧"而非"大事回顧"呢,
嘿嘿...話明心情回顧當然隨我心情而寫,
所以我今年做過啲乜,都好似無回顧度,
喜~~~過去咗就算,回顧嚟做乜喎!

2006年的最後一天,祝願大家心想事成,許下的新年願望都會實現吧~
2007年再見!