回師兄的話

肥師兄睇完我對他文章的回覆後，也快迅地作出回應，內文如下：

我有好多師妹，但係我的師妹個個都係狠角色，實際上，那些會叫我做「師兄」（或者「會長」）的人都係一些我打從心底害怕的人，她們個個都好狠勁。年前有位叫我做師兄的男仔（不是我真的師弟）進入舊公司工作，我差點兒便給他宰了，猶幸他高抬貴手，我現在還可在此放屁。

　　而家要講呢位JANET姐，我同佢家姐做過同學，本來都幾friend，唔知點解後來好少傾偈。Janet我記得見過她上學，沒和她談過話，後來見到佢入ｏ黎新聞界，過一排先醒起佢係邊個，才與之相認。二月同佢出差，出差第一天就同佢行街。走在江西南昌街頭，我用一貫的權威語氣同佢講ｏ野，結果事實證明，佢係一個強者。這是我最害怕的女仔類型。真的。

　　就下面(他的)一篇關於大雄的文章，佢看過之後寫了一篇「感想」，篇文章立論清晰，言簡意賅，個性分明，好得人驚。(就是我下面的一篇文章)

　　睇完，跟住我(師兄)又作個回應：

靚師妹:
一,唔使對唔住,多謝你告訴我大雄的未來老婆的真相,經你這麼一說,又好似有些印象。我跟大雄都感謝多啦a夢。不過,我講佢地青梅竹馬o者,無話佢地日久生情。大雄娶到靜兒,除了係多啦a夢外,我估大雄的死纏難打同埋靜香的由鄰生愛都有關。很難想像大雄的老婆係那位技小姐,這樣的結局簡直比大雄係自閉仔更可悲啊。多啦a夢在我心中的份量又重了一些。

二,你想問題比較理性,呢o的我唔夠你o黎,因為我個人比較感性,比較喜歡率性而為。不過,我又唔認同你所謂的終生受聘制同埋婚姻的類通,豈非澳門現家o的女仔鍾意跳糟,o甘佢地不停由澳博跳去金沙、永利的時候,佢地又會嫌棄自己條仔?有o的人會,但我唔想信會好多。忠誠在日本人的國民性的生活各方面都有體現,婚姻也不例外。不過,工作與婚姻係兩回事,不可以互換概念。而且,想像歸想像,邊個男人傻到會希望娶到個靜香做老婆啊?有佢一半都執到啦,至於話娶日本妹,如果真的娶了的話,我怕有一天會在日本四仔見到佢地。另外,希望討論澳門的事情時,不要說甚麼「港澳」,澳門就好了,你又不是香港人,人地香港的事你知多少?

三,我唔係特登搵佢做selling point,你想太多了,篇文章我一早寫o左,但因為load唔到張相上網,諗住第二日load,點知都係唔得,唯有又用flicker,剛好睇到配音員死的消息,想第一時間講畀人聽o者。你的姐姐的話就差勁了,並不是甚麼都可以替待的。甚麼都可以替代那不叫存在,那叫做虛無。這個世界上沒有一樣東西可以替待,特別是有特殊符號意義的人。「多啦a夢」是否又真的可以替代「叮噹」呢?

四,妳係我最怕的女人類型,又聰明,又理性,又能幹,又愛辨明是非。我害怕你的感情會經歷大風大浪,你得閒請我食o下飯,哥哥教你點樣扮蠢o的。你要知道,男人都鍾意靜香。

　　師妹啊師妹，你要畀男人（包括我）認ｏ下叻至得架，男人好容易滿足架咋，你ｏ的咁叻的女仔如果畀男人認ｏ下叻，一定人見人愛，車見車載，阿婆見到當你係飯島愛，阿公見到以為自己係拓哉。

作為當事人，我當然要好好回應囉：

一. 大雄沒有娶到技蘭，大家都吐了一大口氣吧？畢竟大雄是我們喜歡的主角，大家都唔想睇住佢死呀！但不知道後來技蘭嫁給了甚麼人呢？

二. 當然工作態度唔代表婚姻取向，那些去完金沙又轉工去永利的美眉們會不會嫌棄自己的男友我不知道啦，不過那些入過學堂的師姐們很多都會跟本來的男友分手，然後再同學堂入面的師兄一齊，之後行拍拖更（哎~好Sweet!）有真實事例的！雖然這些個別事件唔代表事實的全部，日久生情是有的，不過行為取向大多數是由個人內在因子出發，你的為人如何，你的選擇也將如何呀！

AV只是日本的一個工業呀，你不要歧視日本的女孩子嘛~我相信日本還有很多大家閨秀的！娶日本的女孩子曾經是大多數男人的夢想（未知是否因為聽教聽話？），不過唔知而家仲係唔係；另外，我係香港出生的，也算是半個香港人吧，又係澳門長大，也有半邊是澳門人，所以我說的"港澳人"其實在說自己~但我相信其他香港人和澳門人都同意我對"終身聘用制"的嗤之以鼻吧?!

三. 搵大雄做selling point係指internet上的那條稿呀~不是指你，那個記者用"大雄的配音員去世"，而不是用"無線的資深配音員去世"，仲唔係聰明咩？另外，我姐姐說得對呀，而家的人只會看結果，根本就不會看過程，那麼誰人去重配大雄的聲音又有誰人去關心呢??

四. 先多謝你的讚美，通通收下了，既令到我睇得非常開心，亦令到的明白原來男人怕我這種女孩子，"女孩子聰明沒有關係，但適當時候要扮吓蠢"的理論早有聞說，只不過沒有想到是我的問題；扮蠢扮柔弱這種事我試過做，但總會被人家認為我在戲弄他們，看來當中自有一套學問，難怪我的感情經歷被你批中，未至於大風大浪，但總未見順利，有時間真係要請你食飯請教吓；（但可唔可唔學彈鋼琴？我想學柔道跆拳甚麼的，一個會柔道的靜兒都可以好吸引，是吧？）