完美的星期天

因為我說過想吃燒賣,蝦餃,
妹妹便提議今日去飲茶,
結果提議的人反而有事沒有去(一ｏ一:)


最愛蝦餃!!!!!!

當我很滿足地吃了最愛的蝦餃後,
老爸竟然說:蝦餃唔新鮮...(呃?!有嗎?很好吃呃~)
已經不是第一次了,
雖然我很"揀飲擇食",但原來我對食物的味道很遲鈍,
好不好吃是決定於我喜不喜歡吃,
例如是我很喜歡吃雞翼,因為喜歡,
所以無論是不同地點,不同煮法,不同人煮我都會覺得好吃;
對於不喜歡的食物更不用說,好不好吃我不知道,
因為根本就不會吃;

記得有一次,
在家中食糖水,一直吃一直吃,
味道有點怪,以為媽咪煲燶咗少少,沒有理繼續吃,
吃到一半時,見到有人盯著我的糖水,便給她吃了,
誰知她告訴我:糖水已經"叔"咗...
(已經食咗一半...難怪味道有點奇怪)

再有一次姐姐買來外賣粥,
今次我很聰明,吃了幾口覺得有點酸酸的,
其實不是太肯定是不是變壞了,但我讓姐姐試了才知道真的變壞了,
這樣...算不算有"味覺遲鈍症"?

所以當我話好味的食物,要介紹家人食時,
他們都會面露難色地考慮很久才決定要不要吃,
還說甚麼"佢話唔好食的食物都應該好味道,話好食的真係要諗過先食"之類的話,太過份喇!!(>0<)

飲完茶後係街到亂拍

美美的歐陸式建築物破了一角呀!


回家後要乖乖地工作喇,
這是舊公司同事託我幫手做的譯稿,
是一社團的期刊,內容不多,但卻分開了三次做,
做埋今次就出版喇!好期待...

不過我諗之後應該唔會再做喇,
因為譯文比寫稿所花的精神同時間都要多一倍以上,
而且之後要開始新工作,要專心做好新工作啦!

當初會幫舊同事做,完全係想試試自己的能力,
同埋未做過,所以便試試看,
而家試過喇,係時候要"金盆洗手"...嘿嘿...

不過知道自己一定譯得唔好,
翻譯係一項專業,人家要俾四年學費專門去學,
我...其實甚麼也不懂;

今天特意去買的Date Book,雖然不再是學生,不用再記幾時測驗考試交功課,但我要用嚟記下家人朋友的生日呀,是不是很重要呢~

對了,交待一下,我已經離開葡文報,並將會到中文報工作,大家要為我加油~雖然今日要早起好痛苦(昨晚可沒有早睡),但由今日起調整返正常的作息時間也不錯,否則下星期上班就慘喇~