終於可以暫時鬆一口氣！
今學期考試應該係比較辛苦的一個學期，
因為唔知邊條“戊利”編個考試時間表，
搞到第一、第二日考試就要考四科，
死咁滯～ @,@
既然本大學堪稱澳門第一學府，而且又屬半公營機構，
咁係咪應該落實執行“以學生為本”的教學理念呢？
嗯…睇嚟大學的行政執行仲有很大的改善空間。
不過算了！考完就算數喇～
大家有試過對著班馬線發呆嗎？
我今日就試過。
因為是最後一年，所以希望可以畀多少少心機溫習。
尋晚，是比較多野要溫習的一晚…就諗住溫耐少少，
於是乎就溫習溫習的…
到咗四點半，仲未眼訓，但都係時間要恰吓～
於是咪熄燈訓囉….點知…係張床上面碌來碌去都訓唔著，
直到…朝早七點….咁就局住要起身喇…
當時係好精神，老虎都打死幾隻，仲沾沾自喜咁諗：“原來自己都可以捱夜的！”
跟住咪返學考試囉，考朝早個科都無乜野，到下午就開始發作。
即係可以做做吓份卷，合埋對眼即刻訓著個隻（講真架！）
好在我用意志力做埋份卷，坐巴士返屋企，
過程中的我好似同Athena傾咗好耐計，但我真係唔記得自己講過D乜，
當時係巴士到差不多已經進入昏迷狀態。
落咗巴士，個腦已經完全進入混沌狀態，個身體已經唔係由個腦控制。
過馬路返屋企時，我企咗係班馬線前面，我知道自己係要過馬路，
但係唔知點解個腦控制唔到個身體。
有個私家車司機（唔記得男定女）仲特登停係度畀我過不特止，
佢見我唔過仲好心咁響按示意我過，
跟住我先好似畀鬼壓醒返咁即該急急腳過馬路，
我思疑個個司機唔知係咪識我，再唔係佢就當我係神經病唔識過馬路，
好心幫吓我。
雖然我今日搞成咁，但考試成績都唔係太好（估計…）
我一向都知道付出同收獲從來都無正相關的關係（負相關關係就一定有），
所以唯有亞Ｑ精神咁同自己講：
至少我知道自己唔夠訓會唔識過馬路，下次唔好再通霄唔訓覺。
No comments:
Post a Comment