含著粗口出世的人

記得曾經睇過一本書（好似係李純恩），佢話：
“有一些天生好命的人是含著金鑰匙出世的，但另外亦有一些人是含著粗口出世。”
我今日“有幸”見識到這些含著粗口出世的人，
請將以下Ｘ自行代入粗口字。

Scene 1:
地點：ＯＫ便利店
有個男人買野，一邊畀錢一邊望住出面架巴士開咗未，
佢對住收銀的男孩子說：

“Ｘ你，快ＸＤ啦～慢手慢腳！Ｘ！（之後自然自語）你老Ｘ呀！企咁Ｘ耐個巴士Ｘ佬都唔開，係要等我買Ｘ緊野時就開！都唔知ＸＸ巴士公司，老Ｘ呀！（又再對住收銀講）你老ｘ呀，快ＸＤ用個膠袋入ｘＤ野啦～趕Ｘ住呀！Ｘ！”
之後就係一片粗口聲之下離去，我見到收銀個男仔塊面紅哂…(好可憐!)

Scene 2:
地點:巴士上
一個男人脫掉鞋子，把穿著白色襪子的雙腳放在對住他的椅上（即司機背後的那個巴士坐位），還把雙腳晃動晃動的。我坐在他旁邊，不知幾想走開，但仲有兩個站就落車，加上被他的語言吸引下來：

“（與坐在後方的友人對話中）Ｘ！ＸＸ！佢估佢係ＸＸ野！開間乜Ｘ鋪頭仔就大Ｘ哂。痴Ｘ線呀！迫Ｘ人同佢打牌，牌品又唔Ｘ好，扮Ｘ哂野。”
（友人回答附和之詞）
“咪Ｘ係囉～！Ｘ佢老Ｘ！下次都係咪Ｘ同佢打！費Ｘ事佢又扮Ｘ哂野，又唔Ｘ肯錢，Ｘ！老Ｘ呀！”
之後我就落車，簡直對佢一番話“嘆為觀止”。

其實，我感覺他們說話時都不是在氣憤或者不安的狀態，
只是簡單的平鋪直述式的對話而已，單純只是日常對話尚且如此精彩，
那生氣或狂怒時會不會Ｘ比能夠“出得街”的字數多？？
嗯…有點期待，厲害的是他們能夠夾雜著粗口，同是把意思說得那麼清楚，而又不是有針對性攻擊別人的含意…厲害！
如果不認同他們是含著粗口出世的話，好像說不過去。

突發奇想，如果他們講一個粗口字就好似故事書入面個女孩子咁，
吐一隻青蛙出來，那他們不就可以轉行賣田雞？
多好呀！又可以講自己喜歡講的粗口，又可以大賺錢，真是幸福！